មន្ទីរបញ្ចាកោណអាមេរិច បានបញ្ជាក់នៅថ្ងៃអង្គារថា អ៊ីរ៉ងបានធ្វើការបាញ់មីស៊ីលផ្លោងជាច្រើនគ្រាប់ ទៅលើកងកម្លាំងអាមេរិច និងសម្ព័ន្ធមិត្តក្នុងប្រទេសអ៊ីរ៉ាក់។
បើតាមសេចក្តីប្រកាសបានឲ្យដឹងថា “វាជាការពិតណាស់ មីស៊ីលជាច្រើនគ្រាប់បានបាញ់ពីអ៊ីរ៉ង មកលើមូលដ្ឋានទ័ពចំនួន ២កន្លែងដែលមានទ័ពអាមេរិច និងបុគ្គលិកសម្ព័ន្ធមិត្ត ស្ថិតនៅមូលដ្ឋាន Al-Assad និងទីក្រុង”។
ការវាយប្រហារលើមូលដ្ឋានទ័ពរបស់អាមេរិចកើតឡើងតែប៉ុន្មានថ្ងៃប៉ុណ្ណោះ ក្រោយពេលអ៊ីរ៉ងបានប្រកាសថាខ្លួននឹងធ្វើការសងសឹកវិញ ក្រោយអាមេរិចវាយប្រហារតាមយន្តហោះដ្រូន សម្លាប់មេបញ្ជាការកំពូលឈ្មោះ Qassem Soleimani នៅក្នុងរដ្ឋធានីបាដាដ ប្រទេសអ៊ីរ៉ាក់។
សេតវិមានអាមេរិចបាននិយាយថ្ងៃអង្គារថា ប្រធានាធិបតីដូណាល់ ត្រាំ កំពុងតែពិនិត្យមើលស្ថានភាពយ៉ាង និងពិភាក្សាជាមួយនឹងក្រុមសន្តិសុខការពារជាតិ ក្រោយទទួលបានសេចក្តីរាយការណ៍ពីការវាយប្រហាររបស់អ៊ីរ៉ង មកលើមូលដ្ឋានទ័ពអាមេរិច៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua