ប្រភពច្បាស់ការពីសមត្ថកិច្ចខេត្តព្រះសីហនុ បានអោយដឹងថា ចៅក្រមសាលាដំបូងខេត្តព្រះសីហនុ បានចេញដីកាចាប់ខ្លួន លោកជំទាវ លី សុខងីម ពីបទប្រេីហឹង្សាចូលកាន់កាប់អចលនវត្ថុអ្នកដទៃដោយខុសច្បាប់ ប្រព្រឹត្តទៅនៅ ចំណុច ភូមិ ពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ ។ នេះបើតាមលោកផែង វណ្ណៈ សរសេរសារលើហ្វេសប៊ុកផ្លូវការ កាលពីថ្ងៃទី៦មករា។
លោកបន្តថា ពេលនេះសមត្ថកិច្ចកំពុងស្វែងរកតាមចាប់ខ្លួន លោកជំទាវ លី សុខងីម ដេីម្បីយកមកផ្ដន្ទាទោសតាមច្បាប់ ។ ប៉ុន្តែតាមប្រភពមួយបានបញ្ជាក់ថា លោកជំទាវ លី សុខងីម បានគេចខ្លួនទៅក្រៅប្រទេសហេីយ ។
លោកបញ្ជាក់ថា “លោកជំទាវ លី សុខងីម ត្រូវបានប្រជាពលរដ្ឋជាច្រេីនបានប្ដឹងទៅតុលាការ ខេត្តព្រះសីហនុ ព្រោះតែលោកជំទាវរូបនេះ បានប្រើអំណាចរំលោភកាន់កាប់ដីប្រជាពលរដ្ឋជាច្រើនគ្រួសារនៅ ចំណុចភូមិពូធឿង ឃុំបិតត្រាង ស្រុក ព្រៃនប់ ខេត្តព្រះសីហនុ “។
លោកបន្ថែមទៀតថា “ខ្ញុំផ្សាយល្ងាចម៉ិញថា តុលាការចេញដីកាចាប់ខ្លួន លី សុខងីម ឃេីញ លី សុខងីម ចូលមកខមមិន ថាខ្ញុំនិយាយមិនពិត ហេីយដៀមដាមអោយខ្ញុំថា បេីចង់ការពារពលរដ្ឋរងគ្រោះទៅរៀនធ្វេីមេធាវីទៅ កុំដេីរបរិហាកេរ្តិ៍គេអញ្ចឹង ស្រាប់តែឥលូវលប់ខមមិន ចោលវិញបាត់ “។
អ្នកណាបរិហារកេរ្តិ៍ អ្នកណា មេីលដីកាបង្គាប់អោយចាប់ខ្លួន-ឃុំខ្លួន លី សុខងីម ចុះ !
ធ្វើល្អ បានល្អ ធ្វើអាក្រក់បេីមិនជាប់គុកក៏រត់ចោលស្រុកដែរ ។ បេីពូកែណាស់កុំរត់ ចោលស្រុកមកតតាំងជាមួយប្រជាពលរដ្ឋទៅអោយដឹងសខ្មៅទៅ ៕ ដោយ៖កូឡាប
