ភ្នំពេញ៖ ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឲ្យដឹងថា កាលពីថ្ងៃទី០៨ ខែមករា ឆ្នាំ២០២០ វេលាម៉ោងប្រហែល ០៥ និង ៣០ នាទី កម្លាំងជំនាញរបស់ការិយាល័យបានឃាត់ខ្លួនជនសង្ស័យ ក្នុងបទល្មើសជាក់ស្តែងចំនួន ០២ នាក់ នៅចំណុចម្តុំកន្លែងកោសដូង ផ្លូវលេខ២៣០ សង្កាត់បឹងសាឡាង ខណ្ឌទួលគោក រាជធានីភ្នំពេញ និងចាប់យកម៉ូតូជាមធ្យោបាយជិះធ្វើសកម្មភាពក្នុងបទល្មើស អំពើលួចមានស្ថានទម្ងន់ទោស (ឆក់កាបូប យួរដៃ ពណ៌ ស្លែ) ប្រព្រឹត្តនៅចំណុចមុខផ្ទះលក់ផ្កា ផ្លូវលេខ ១៨២ សង្កាត់វាលវង់ ខណ្ឌ ៧មករា រាជធានីភ្នំពេញ កាលពីថ្ងៃទី៨ ខែមករា ឆ្នាំ ២០២០ វេលាម៉ោងប្រហែល ០៥ និង ៣០ នាទី ។
ជនសង្ស័យក្នុងបទល្មើសជាក់ស្តែងចំនួន ០២ នាក់ ត្រូវបញ្ជូនមកការិយាល័យចាត់ការតាមនីតិវិធី មានឈ្មោះ៖ ១-ឈ្មោះ ទៀង រតនៈបញ្ញាសិទ្ធ ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវលេខ៣៧១ ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ២-ឈ្មោះ ចាយ តៃវ៉ាន់ ភេទប្រុស អាយុ១៨ ឆ្នាំ ជនជាតិខ្មែរ មុខរបរ សិស្សវិទ្យាល័យបឹងកេងកង ស្នាក់នៅផ្ទះលេខ១៥Z ផ្លូវលេខ១៨៧ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
វត្ថុតាងចាប់យកម៉ូតូម៉ាកហុងដាសេ១២៥ ពណ៌ ខ្មៅ ឆ្នាំផលិត ២០២០ លេខតួ លេខម៉ាស៊ីន ៥៦៤០៧៣១ ពាក់ស្លាកលេខភ្នំពេញ១IB១០៧៤ ។
បច្ចុប្បន្នជនសង្ស័យ និងវត្ថុតាង ខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕ ដោយ៖កូឡាប
