សត្វអូដ្ឋរាប់ពាន់ក្បាលនៅភាគខាងត្បូងប្រទេសអូស្រ្តាលី ត្រូវបានបាញ់សម្លាប់ពីលើឧត្ថម្ភាគច្រក ដោយសារតែកម្តៅ និងមានភាពរាងស្ងួតខ្លាំង។ ការសម្លាប់អូដ្ឋជាច្រើននោះដោយសារតែពួកវាបានចូលទៅអុកឡុកក្នុងសហគមន៍ ដើម្បីស្វែងរកទឹកផឹក។
ប្រតិបត្តិការសម្លាប់អូដ្ឋរយៈពេល ៥ថ្ងៃបានចាប់ផ្តើមតាំងពីថ្ងៃពុធម្សិលមិញនេះ ខណៈដែលសហគមន៍ជាច្រើនៅក្នុងតំបន់ បានរាយការណ៍ថាមានសត្វអូដ្ឋជាច្រើនក្រុម បានចូលមកបំផ្លាញទីក្រុង និងអគារ។
ពលរដ្ឋអូស្រ្តាលីម្នាក់នៅក្នុងសហគមន៍ Kanypi បានថ្លែងថា “សត្វអូដ្ឋបានស្រែកពាសពេញផ្លូវ ដើម្បីរកទឹកផឹក។ ពួកយើងពិតជាមានការព្រួយបារម្ភចំពោះកុមារតូចៗណាស់”។
សេះព្រៃមួយចំនួនក៏នឹងត្រូវសម្លាប់ផងដែរ។
អូស្រ្តាលីកំពុងរងកម្តៅ និងស្ថានភាពស្ងួតជាខ្លាំង ដែលបណ្តាលឲ្យមានភ្លើងឆេះព្រៃទូទាំងប្រទេស នៅក្នុងរយៈពេលប៉ុន្មានខែចុងក្រោយនេះ ប៉ុន្តែគ្រោះរាំងស្ងួតក្នុងប្រទេសនេះ កើតឡើងអស់រយៈពេលជាច្រើនឆ្នាំមកហើយ។
សត្វអូដ្ឋមិនមែនមានដើមកំណើតនៅអូស្រ្តាលីនោះទេ។ ពួកវាត្រូវបាននាំយកមកកាន់អូស្រ្តាលី ដោយជនអន្តោប្រវេសន៍អស់គ្លេស ពីឥណ្ឌា អាហ្គានីស្ថានជាដើមក្នុងសតវត្សរ៍ទី ១៩។
នៅអូស្រ្តាលីត្រូវបានគេប៉ាន់ស្មានថា មានសត្វអូដ្ឋរាប់ម៉ឺនក្បាល។ ពួកវាអាចបំផ្លាញរបង ឧបករកសិដ្ឋាន និងជម្រក និងផឹកទឹកយ៉ាងច្រើនដែលប្រជាជននៅក្នុងសហគមន៍ត្រូវការ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC