ភ្នំពេញ៖ សិល្បៈករកម្ពុជា បានប្រកាសថា ទុក្ខជាន់ទុក្ខពិតជាខ្លោចផ្សាណាស់! អ្នករត់PasdApp កូនប្រុសនាយក្តិប ត្រូវរថយន្តបុកស្លាប់ ខណៈខ្លួនកំពុងឈឺធ្ងន់ពិការមួយចំហៀងខ្លួន មិនអាចធ្វើការងារអ្វីកើតសោះឡើយ។
សូមបញ្ជាក់ថា កាលពីម៉ោងជាង១១យប់ថ្ងៃទី៨ ខែមករា ឆ្នាំ២០២០ មានករណីគ្រោះថ្នាក់ចរាចរណ៍ បង្កឡើងដោយរថយន្តមួយគ្រឿងបានបុកអ្នករត់ PassApp ដែលគេស្គាល់ថាជាកូនប្រុសបង្កើតនាយក្ដិបតារាកំប្លែងជើងចាស់ ដែលមានជំងឺធ្ងន់ប្រចាំកាយពេញទំហឹងបណ្តាលឲ្យស្លាប់ភ្លាមៗនៅតាមបណ្តោយផ្លូវជាតិលេខ៦A នៅចំណុចស្ពានទី១ជិតវត្តខ្ទរ សង្កាត់ព្រែកលៀបខណ្ឌជ្រោយចង្វារ។
ប្រភពពីកន្លែងកើតហេតុបានឲ្យដឹងថាមុនពេលកើតហេតុខាងលើនេះ គេបានបុរសម្នាក់បានបើករថយន្តបង្កមួយគ្រឿងម៉ាក Nissan ពណ៌ទឹកប្រាក់ពាក់ផ្លាកលេខ ភ្នំពេញ 2AG-3961 បើកបរតាមបណ្តោយផ្លូវជាតិលេខ៦ ក្នុងទិសដៅពីត្បូងទៅជើងក្នុងល្បឿនយ៉ាងលឿន ខណៈបើកមកដល់ចំណុចកើតបានជ្រុលបុកម៉ូតូកង់បីឥណ្ឌាពណ៌សពាក់ផ្លាកលេខភ្នំពេញ 1HR-8111 ដែលជាកូនប្រុសបង្កើតនាយក្ដឹបតារាកំប្លែងជើងចាស់ ដែលមានជំងឺធ្ងន់ប្រចាំកាយ ពេញទំហឹងបណ្តាលឲ្យក្រពិតរងការខូចខាត ផ្នែកខាងមុខបែកកញ្ចក់រួចរថយន្តបង្កនៅមិនទាន់អស់ល្បឿន បានរ៉េចង្កូតទៅបុកផើងផ្កានៅមុខផ្ទះប្រជាពលរដ្ឋ បែកអស់ចំនួនមួយផើងថែមទៀត ចំណែកអ្នកបើកម៉ូតូកង់បីរងរបួសបែកក្បាលធ្ងន់ធ្ងរ ត្រូវបានប្រជាពលរដ្ឋនៅក្បែរកន្លែងកើតហេតុ ជួយនាំយកទៅមន្ទីរពេទ្យ ប៉ុន្តែអកុសល ដោយសាររបួសធ្ងន់ធ្ងរពេក បានផុតដង្ហើមទៅហើយ។
ក្រោយពេលកើតហេតុសមត្ថកិច្ចមូលដ្ឋានខណ្ឌជ្រោយចង្វា បានចុះធ្វើការវាសវែងរួចដឹកយករថយន្តបង្ក និងPassApp ទៅរក្សាទុកនៅ ការិយាល័យចរាចរណ៍ផ្លូវគោក នៃសង្នការរាជធានីភ្នំពេញដើម្បីរង់ចាំដោះស្រាយគ្នានៅពេលក្រោយ ៕ ដោយ៖កូឡាប