សៀមរាប៖ រដ្ឋបាលស្រុកស្វាយលើ សូមជូនដំណឹងស្តីពីលំហាត់បាញ់គ្រាប់ពិត ត្រួតពិនិត្យលទ្ធផល វគ្គហ្វឹកហ្វឺនបណ្តុះបណ្តាលនាយទាហានរងជំនាញកាំភ្លើងការពារអាកាស ជំនាន់ទី៤ ឆ្នាំ២០១៩ នៅចំណុចភ្នំខ្យង ភូមិរុងរឿង ឃុំកន្ទួត ស្រុកស្វាយលើ ខេត្តសៀមរាប ។
រដ្ឋបាលស្រុកស្វាយលើ សូមជម្រាបជូនដល់ ឯកឧត្តម លោកជំទាវ លោក លោកស្រី និងបងប្អូន
ប្រជាពលរដ្ឋ មេត្តាជ្រាបថា៖ ចាប់ពីថ្ងៃទី ១១ ដល់ ថ្ងៃទី ១៤ ខែ មករា ឆ្នាំ២០២០ សាលាការពារអាកាស
នៃទីបញ្ជាការដ្ឋានការពារអាកាស អ.ប.ក នឹងធ្វើលំហាត់បាញ់គ្រាប់ពិតកាំភ្លើងធំការពារអាកាស ៣៧ មម-១
កាំភ្លើងយន្តការពារអាកាស ២៣ មម-២ នៅទីលានបាញ់កងពលធំអន្តរាគមន៍លេខ២ (ចំណុចភ្នំខ្យង
ភូមិរុងរឿង ឃុំកន្ទួត ស្រុកស្វាយលើ ខេត្តសៀមរាប ) ។
សេចក្តីដូចបានជម្រាបជូនខាងលើ សូម បងប្អូនប្រជាពលរដ្ឋមេត្តាជ្រាប និងសូមកុំមានការភ្ញាក់ផ្អើល ចំពោះស្នូរសម្លេងផ្ទុះកាំភ្លើង ក្នុងពេលធ្វើលំហាត់បាញ់គ្រាប់ពិត ។ ដើម្បីធានាសុវត្ថិភាព រដ្ឋបាលស្រុកសូមធ្វើការហាមឃាត់ដល់បងប្អូនប្រជាពលរដ្ឋទាំងអស់ កុំឲ្យមានការធ្វើដំណើរចូលទៅក្នុងតំបន់ខាងលើជាដាច់ខាត ប្រយ័ត្នមានគ្រោះថ្នាក់ជាយថាហេតុ ។
ទទួលបានសេចក្តីជូនដំណឹងនេះ រដ្ឋបាលស្រុកសង្ឃឹមថា បងប្អូនប្រជាពលរដ្ឋ ក្នុងភូមិសាស្រ្តភ្នំខ្យង ភូមិរុងរឿង ឃុំកន្ទួត ស្រុកស្វាយលើ នឹងចូលរួមសហការល្អដើម្បីឲ្យលំហាត់បាញ់គ្រាប់ពិតខាងលើប្រព្រឹត្តទៅដោយជោគជ័យ និងធានាបាននូវសុវត្ថិភាពខ្ពស់ ៕ ដោយ៖កូឡាប
