ប្រធានអាកាសចរណ៍ស៊ីវិលអ៊ីរ៉ង បានធ្វើការបដិសេធនៅថ្ងៃសុក្រម្សិលមិញថា មីស៊ីលអ៊ីរ៉ងបាញ់ទម្លាក់យន្តហោះអ៊ុយក្រែន ដែលបណ្តាលឲ្យមនុស្ស ១៧៦នាក់ស្លាប់បាត់បង់ជីវិត។ ការបដិសេធនេះបានធ្វើឡើងក្រោយពេលមានមេដឹកនាំបស្ចឹមប្រទេសជាច្រើន ធ្វើការអះអាងថា មីស៊ីលអ៊ីរ៉ងជាអ្នកធ្វើឲ្យយន្តហោះធ្លាក់។
មូលដ្ឋាននៃការធ្លាក់នឹងត្រូវធ្វើការប្រកាសនៅថ្ងៃសៅរ៍នេះ។
អ៊ុយក្រែនបាននិយាយថា អ្នកជំនាញរបស់ខ្លួនអាចចូលរួមពិនិត្យប្រអប់ខ្មៅនៃយន្តហោះដែលធ្លាក់ ហើយរដ្ឋមន្រ្តីការបរទេសអាមេរិច លោក Mike Pompeo បានធ្វើការថ្លែងបន្ទថា វាប្រហែលជាធ្លាក់ដោយសារតែមីស៊ីលរបស់អ៊ីរ៉ង។
ក្រុងតេហេរ៉ងបានរងសម្ពាធអន្តរជាតិយ៉ាងខ្លាំង ដើម្បីអនុញ្ញាតឲ្យមានការស៊ើបអង្កេតដែលគួរឲ្យទុកចិត្តមួយ ចំពោះការធ្លាក់យន្តហោះនោះ ដែលមេដឹកនាំបស្ចឹមប្រទេសជាច្រើន បានបានបន្ទោសទៅលើមីស៊ីលអ៊ីរ៉ង។
សូមបញ្ជាក់ថា យន្តហោះ Boeing 737 បានធ្លាក់ភ្លាមៗកាលពីថ្ងៃពុធកន្លងទៅនេះ ក្រោយពេលអ៊ីរ៉ងបានធ្វើការបាញ់មីស៊ីល ដើម្បីវាយប្រហារមូលដ្ឋានទ័ពអាមេរិចនៅក្នុងប្រទេសអ៊ីរ៉ាក់ ដើម្បីជាការសងសឹកទៅនឹងការសម្លាប់ឧត្តមសេនីយ៍របស់ខ្លួន៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
