កោះកង : ប្រជាពលរដ្ឋក្នុងខេមរភូមិន្ទ ប្រឈមនិងកង្វះទឹកស្អាត់ប្រើប្រាស់ នៅថ្ងៃទី១០ ខែមករា ឆ្នាំ២០២០ មន្ទីរឧស្សាហកម្ម និងសិប្បកម្មខេត្តកោះកុង បានចេញសេចក្តីជូនដំណឹង ស្តីពីកង្វះទឹកស្អាតប្រើប្រាស់ ក្នុងក្រុងខេមរភូមិន្ទ ដោយសារក្រុមហ៊ុនផ្គត់ផ្គង់ទឹកស្អាត LYP GROUP ផ្គត់ផ្គង់មិនគ្រប់គ្រាន់តាមតម្រូវការរបស់អ្នកប្រើប្រាស់ និងប្រភពទឹកមួយចំនួនរីងអស់។
បើតាមសេចក្តីជូនដំណឹងមន្ទីរឧស្សាហកម្ម និងសិប្បកម្ម ខេត្តកោះកុង ស្តីពី
បញ្ហាខ្វះខាតទឹកស្អាតប្រើប្រាស់ ក្នុងក្រុងខេមរភូមិន្ទខេត្តកោះកុង បានជម្រាបជូនដំណឹងដល់ បងប្អូនប្រជាពលរដ្ឋ ដែលកំពុងរស់នៅក្នុងក្រុងខេមរភូមិន្ទ ទាំងអស់មេត្តាជ្រាបថា បញ្ហាខ្វះខាតទឹកស្អាតប្រើប្រាស់មួយរយៈពេលកន្លងមកនេះ ដោយសារតែក្រុមហ៊ុនផ្គត់ផ្គង់ទឹក
ស្អាត LYP GROUP ដែលមានទីតាំងក្នុងតំបន់ផ្តល់សេវាខាងលើនេះ កំពុងជួបបញ្ហាប្រឈមមួយចំនួនដូចខាងក្រោម៖ ១.ប្រភពទឹកនៅទំនប់ជ្រោះតាប៉ននៅសល់តិចតួច មិនអាចបូមយកមកផលិតបាន។ ២.ប្រភពទឹកស្រះភូមិចាំយាមមានចំនួនប្រមាណ 800.000 ម៉ែត្រគូប ហើយទំហំប្រព័ន្ធទុយោមេមានទំហំតូច ធ្វើឱ្យសម្ពាធទឹកខ្សោយ។ ៣.ក្រុមហ៊ុនផ្គត់ផ្គង់ទឹកស្អាត LYP GROUP បានបូមទឹកពីស្រះភូមិចាំយាមយកមកផលិតជំនួសវិញ
ប៉ុន្តែកម្លាំងបូមទឹកក្នុងមួយម៉ោងអាចបូមបានត្រឹមប្រមាណ 200ម៉ែត្រគូប ចំណែកឯការប្រើប្រាស់ទឹកស្អាត
របស់បងប្អូនប្រជាពលរដ្ឋក្នុងក្រុងខេមរភូមិន្ទ ក្នុងមួយម៉ោងចន្លោះពី 400ម៉ែត្រគូប ទៅ 500 ម៉ែត្រគូប ។
ឆ្លើយតបទៅនឹងបញ្ហានេះ ខាងក្រុមហ៊ុនផ្គត់ផ្គង់ទឹកស្អាត LYP GROUP បាននិងកំពុងរៀបចុះដំឡើង
ម៉ូទ័របូមទឹកនៅស្រះទឹក រដ្ឋាករទឹកចាស់ (ផ្លូវ៤៨) ដើម្បីផ្គត់ផ្គង់បន្ថែមលើតម្រូវការប្រើប្រាស់ទឹកស្អាតប្រចាំ
ថ្ងៃជូនបងប្អូនប្រជាពលរដ្ឋឱ្យបានគ្រប់គ្រាន់ដូចធម្មតាវិញ។ ចំពោះការដំឡើងម៉ូទ័របូមទឹកនេះ ត្រូវប្រើរយៈ
ពេលប្រមាណពីរថ្ងៃទៀតទើបអាចដំណើរការបូមទឹកបាន៕ដោយ៖បញ្ញាស័ក្តិ