ភ្នំពេញ៖ ប៉ុន្មានថ្ងៃនេះមានការផ្សព្វផ្សាយតាមបណ្តាញទំនាក់ទំនងសង្គម ដោយផ្តោតទៅលើ
ក្នុងពេលឡើងគេហដ្ឋានថ្មី របស់អភិបាលខេត្តកំពង់ឆ្នាំង បានយកក្រដាសប្រាក់ដែលមានព្រះឆាយាលក្ខណ៍ ព្រះមហាក្សត្រទៅដាក់តាមកាំជណ្តើរដើម្បីដើរជាន់។
ទទួលរងនូវការរិះគន់ពេញបណ្តាញសង្គមហ្វេសប៊ុក ព្រោះតែមហាជនទើសភ្នែកនិងទង្វើមិនសមគួររបស់មន្ត្រីរូបនេះ ក្នុងកម្មវិធីឡើងគេហដ្ឋានថ្មីគាត់។ តួនាទីជាអភិបាលខេត្តកំពង់ឆ្នាំង ដោយបានយកក្រដាស់ប្រាក់មានរូបព្រះឆាយាល័ក្ខណ៍ព្រះមហាក្សត្រ ព្រះបាទនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបាចនៅលើកាំជណ្តើរឡើង ដោយឲ្យសាច់ញាតិដើរជាន់ពីលើ។
យោងតាមហ្វេសប៊ុកផេកមួយដែលមានឈ្មោះថា រិទ្ធិសែន ព័ត៌មាន បានសរសេររៀបរាប់ថា៖ “ក្នុងនាមខ្ញុំជាកូនខ្មែរទទួលយកមិនបានទេ-ពិធីឡើងគេហដ្ឋានរបស់លោកអភិបាលខេត្តកំពង់ឆ្នាំង នៅថ្ងៃទី 9 ខែមករាឆ្នាំ 2020 នេះ បានរៀបចំពិធីចម្លែកមួយគឺយកក្រដាសប្រាក់រៀល ដែលមានរូបព្រះឆាយាល័ក្ខណ៍ព្រះមហាក្សត្រនៃព្រះរាជាណាចក្រកម្ពុជា មកដាក់ពង្រាយតាមកាំជណ្ដើរ ត្រីបានសាច់ញាតិ ថតបង្ហោះជាសាធារណៈ។ប្រហែលជាគ្រូចិនសែនោះ មិ ថា ឡើងគេហដ្ឋានរួចត្រូវឡើងតំណែងធំហើយមើលទៅទើបគេធ្វើពិធីពង្រាយប្រាក់រៀលលើកាំជណ្ដើរផ្ទះថ្មីរបស់អភិបាលខេត្ត កំពង់ឆ្នាំងបែបនេះ”។
កំពង់ឆ្នាំង ថ្ងៃទី១០ ខែមករា ឆ្នាំ២០២០ក្រុមមន្ត្រីជំនួយការអភិបាលខេត្តកំពង់ឆ្នាំង បានចេញ សេចក្តីបញ្ជាក់ជាព័ត៌មានថា ប៉ុន្មានថ្ងៃនេះមានការផ្សព្វផ្សាយតាមបណ្តាញទំនាក់ទំនងសង្គម ដោយផ្តោតទៅលើ(ក្នុងពេលឡើងគេហដ្ឋានថ្មីរបស់អភិបាលខេត្តកំពង់ឆ្នាំង បានយកក្រដាសប្រាក់ដែលមានព្រះឆាយាលក្ខណ៍ ព្រះមហាក្សត្រទៅដាក់តាមកាំជណ្តើរដើម្បីដើរជាន់) ។
ក្រុមមន្ត្រីជំនួយការ អភិបាលខេត្តកំពង់ឆ្នាំងមានកិត្តិយសសូមបញ្ជាក់ជាព័ត៌មានជូនសាធារណៈជនដូចតទៅ៖
១-អភិបាលខេត្តកំពង់ឆ្នាំង និងក្រុមគ្រួសារ បានសម្រេចយក ថ្ងៃព្រហស្បតិ៍ ទី៩ ខែមករា ឆ្នាំ២០២០ ជាថ្ងៃពេញ
បរមី ជាថ្ងៃមង្គល(រយៈពេល ១ព្រឹក) រៀបចំពិធីសូត្រមន្តឡើងផ្ទះថ្មីដែលទើបជួសជុលកែលម្អរួចផង
, ចម្រើនព្រះជន្មាយុលោកឪពុកផង និងសង្ឃទានជូនលោកឪពុកដែលមានវ័យជរា(អាយុ ៨៨ ឆ្នាំ) ផង ។
២-គេហដ្ឋានថ្មីរបស់អភិបាលខេត្តកំពង់ឆ្នាំង ទើបបានជួសជុលកែលម្អ និងសាងសង់បន្ថែមពីផ្ទះឈើលាយ
បេតុងមកជាផ្ទះបេតុងវិញបានរួចរាល់ ។
៣-ញាតិមិត្តចូលរួមក្នុងពិធីនេះ ទាំងចាស់ទាំងក្មេង មានប្រមាណ ៣ ទៅ ៤០ នាក់ ។
៤-ជាកិច្ចចាប់ផ្តើមលោកអាចារ្យ និងចៅមហាបានធ្វើពិធីសែនជណ្តើរ ដើម្បីបួងសួងសុំប្រើប្រាស់ប្រកបដោយ
សេចក្តីសុខចម្រើនតរៀងទៅ ។ សម្ភារសែនមានជ្រូកខៃ, មាន់, ផ្លែឈើ, ទឹកសុទ្ឋ , ទឹកក្រូច , ស្រា និងក្រដាសប្រាក់ ចំនួន១២ ម៉ឺនរៀល(ស្មើនឹង ១២ ខែ នៃឆ្នាំ) ។
បន្ទាប់ពីលោកអាចារ្យ និងចៅមហាបានសែន និងសាសងរួចហើយ អាចារ្យ បានប្រមូលក្រដាសប្រាក់នេះវិញ
ប្រគល់ឱ្យម្ចាស់ផ្ទះដោយសន្មតប្រមូលមាសប្រាក់សិរីមង្គលក្នុងគេហដ្ឋាននេះ តាមទំនៀមទម្លាប់ដែលលោកអាចារ្យបានរៀបចំ ។
បន្ទាប់មកបន្តពិធីកិច្ចតាមរបៀបវារៈរហូតចប់រយៈពេល ១ ព្រឹក ។
៥-ការលើកឡើងថា យកក្រដាសប្រាក់ដែលមានរូបព្រះឆាយាលក្ខណ៍ព្រះមហាក្សត្រដាក់តាមកាំជណ្តើរដើម្បី
ដើរជាន់ មិនមានក្នុងកម្មវិធីនេះទេ ។ លោកអាចារ្យដាក់ដើម្បីសែនព្រេន និងប្រមូលវិញភ្លាម ។
៦-លោកអភិបាលខេត្តកំពង់ឆ្នាំង និងក្រុមគ្រួសារ សូមគោរពថ្លែងអំណរគុណចំពោះការយកចិត្តទុកដាក់លើក
កម្ពស់តម្លៃថ្លៃថ្នូរ និងរបៀបរបបប្រពៃណីជាតិរបស់សាធារណជនទាំងអស់ ។
ក្នុងករណីលោកអាចារ្យរៀបចំនេះមានការខ្វះខាតខុសឆ្គងយ៉ាងណា សុំការយោគយល់អធ្យាស្រ័យពីសាធារណៈ
ជនទាំងអស់ ។
ចំណែកឯពិធីហែសពដែលភាគច្រើន បានយកលុយក្រដាស១០០រៀល បាចសាយហោះហើរពេញផ្លូវ ៕ដោយ៖កូឡាប
