តាកែវ៖ ទីតាំងក្បាលដីចំនួន០៥កន្លែងនៅក្នុងភូមថ្នល់ទក្សិណ ឃុំក្រាំងធ្នង់ស្រុកបាទី ខេត្តតាកែវ ត្រូវបានម្ចាស់ដី ស្នើសុំនិងដាក់ពាក្យប្តឹងទៅសាលាតំបូងខេត្តតាកែវ ក្រោយមានម្ចាស់ដីនៅជាប់ព្រំប្រទល់មានការឈូសឆាយ និងដាំបង្គោលរបងព័ន្ធចូលក្នុងក្បាលដីរបស់ខ្លួន ដើម្បីសុំសិទ្ធពីតុលាការ ក្នុងការរក្សាការពារនៅអចលនាទ្រព និងរក្សានៅសភាពដើមនៃក្បាលដី របស់ខ្លួនដែលទិញពីប្រជាពលរដ្ឋក្នុងភូមិ មានប័ណ្ណកម្មសិទ្ធ និង€កសារត្រឹមត្រូវ និងមានអាជ្ញាធរភូមិ ឃុំ ដឹងលឺ ។
ក្រោយមានការដាក់ពាក្យប្តឹងតាមរយៈមេធាវីរបស់ម្ចាស់ក្បាលដីទាំង ៥ នៅស្រុកបាទីនោះ និងមានសេចក្តីសម្រេចបញ្ចប់របស់ប្រធានសាលាតំបូងខេត្តាកែវ នៅថ្ងៃទី១០ មករា ២០២០ លោក អឿង វណ្ណា ចៅក្រមអនុវត្តរក្សាការពារ នៃសាលាតំបូងខេត្តតាកែវ បានដឹកនាំកំលាំង និងភាគីទាំងសងខាងមកជួបជុំគ្នា នៅសាលាឃុំក្រាំងធ្នង់ រួចបន្តទៅបញ្ឈប់ការឈូសឆាយ និងដាំបង្គោលរបងរបស់ភាគីជាប់ព្រំប្រទល់នោះ ជាបណ្តោះអាសន្នសិន រងចាំតុលាការសម្រេចដល់រឿងអង្គសេក្តី ។ ក្នុងការអនុវត្តដីការនេះផងដែរ បើសិនជាភាគីណាមួយ មិនសុខចិត្ត ភាគីនោះមានសិទ្ធិប្តឹងតវ៉ាតាមច្បាប់វិញបាន ។
សូមបញ្ជាក់ផងដែរថា ក្បាលដីដែលមានទំនាស់នោះ រួមមាន លេខក្បាលដី HVII 0022 , HVII0023 , HVIII0032 , HVIII0033 , HVIII0034 ដែលមានទីតាំងនៅភូមិទក្សិណ ឃុំក្រាំងធ្នង់ ស្រុកបាទី ខេត្តតាកែវ ។ បើតាមសេចក្តីសម្រេចរបស់សាលាតំបូងខេត្តតាកែវ ត្រូវបានអោយកូនបំណុល បញ្ឈប់នៅការឈូសឆាយ និងការដាំបង្គោលរបង នៅះជាបណ្តោះអាសន្នសិន ៕ ដោយ ៖ តាកែវ
