ភ្នំពេញ៖ ដើម្បីអបអរឆ្នាំថ្មីដែលទើបនឹងឈានចូលមកដល់ ក្រុមហ៊ុន DNC បង្កើតកម្មវិធីផ្លេកបន្ទោរដ៏អស្ចារ្យមួយនាចុងសប្តាហ៍នេះនៅក្នុងរាជធានីភ្នំពេញ ដែលព្រឹត្តិការណ៍នេះនឹងប្រព្រឹត្តទៅលើទីតាំងចំនួន៤ ក្នុងពេលតែមួយ គឺម៉ោង ៧ យប់ ថ្ងៃទី១២ ខែមករា ឆ្នាំ២០២០។ ពួកយើងចង់បង្ហាញពីការផ្លាស់ប្ដូរផ្នត់គំនិត ទៅរកភាពទាន់សម័យកាលនៃទីក្រុងថ្មីដ៏ទំនើប ដែលយើងចាប់ផ្ដើមដំបូងDNC Mall។
តើអ្វីទៅជា DNC? បើលោកអ្នកចង់ជ្រាបច្បាស់ សូមធ្វើដំណើរទៅកាន់ទីតាំងទាំង៤ ដែល DNC ប្រារព្ធកម្មវិធីផ្លេកបន្ទោរនេះ រួមមានផ្សារទំនើបអ៊ីអន១ ផ្សារទំនើបអ៊ីអន២ ផ្សារទំនើបអូឡាំព្យ៉ា និងមុខព្រះបរមរាជវាំង។
កម្មវិធីនេះនឹងមានការចូលរួមពីសមាជិក DNC និងតារាហ្វេសប៊ុកល្បីៗនិងស្រស់ស្អាតជាច្រើនរូប ព្រមទាំងមានកម្មវិធីសប្បាយៗជាច្រើនដើម្បីបង្ហាញជូនទស្សនិកជនដែលមានវត្តមាននៅទីតាំងនោះផងដែរ។
មិនត្រឹមតែប៉ុណ្ណោះ ក្រុមហ៊ុនក៏នឹងបង្កើតព្រឹត្តិការណ៍កាន់តែអស្ចារ្យមួយទៀតនៅថ្ងៃទី១៤ ខែកុម្ភៈ ឆ្នាំ២០២០ខាងមុខនេះ ដែលចំនឹងថ្ងៃទិវានៃក្តីស្រឡាញ់តែម្តង៕ ដោយ៖កូឡាប