ភ្នំពេញ៖ តុលាការចេញដីកាចាប់ខ្លួន លោកធំម្នាក់ឈ្មោះ សារិន រ៉ាត់ណាត់ដាណៃ ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន (ចេញសែកអត់លុយ ) ប្រព្រឹត្តទៅនៅភ្នំពេញ កាលពីថ្ងៃទី ១៣ ខែ ធ្នូ ឆ្នាំ ២០១៧ ។
បច្ចុប្បន្ន លោកធំឈ្មោះ សារិន រ៉ាត់ណាត់ដាណៃ បានកំពុងរត់គេចខ្លួន ។
លោកប៊ុន ធី ចៅក្រមស៊ើបសួរសាលាដំបូងរាជធានីភ្នំពេញ យល់ឃើញថា ជនត្រូវចោទឈ្មោះ សារិន រ៉ាត់ណាត់ដាណៃ ភេទប្រុស អាយុ៣៥ឆ្នាំ ជាតិខ្មែរ មុខរបរនគរបាល ទីកន្លែងកំណើតភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ទីលំនៅបច្ចុប្បន្នផ្ទះលេខ ៥៩ ផ្លូវលេខ ២០៩ B ភូមិ៤ សង្កាត់ច្រាំងចំណេះ១ ខណ្ឌឫស្សីកែវ រាជធានីភ្នំពេញ ដាក់ឲ្យស្ថិតនៅក្រោមការពិនិត្យពីបទ៖ “មិនបំពេញកាតព្វកិច្ចចំពោះឧបករណ៍អាចជួញ
ដូរបាន” ប្រព្រឹត្តនៅរាជធានីភ្នំពេញ កាលពីថ្ងៃទី១៣ ខែធ្នូ ឆ្នាំ២០១៧ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមមាត្រា ២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់ ។
តុលាការបានចេញដីកាបង្គាប់ឲ្យចូលខ្លួនម្តងរួចមកហើយតែជនត្រូវចោទមិនបានមកតាមការកំណត់របស់តុលាការនោះទេ ។
តំណាងអយ្យការបានឯកភាពឲ្យចៅក្រមស៊ើបសួរចេញដីកាបង្គាប់ឲ្យចាប់ខ្លួនឈ្មោះ សារិន រ៉ាត់ណាត់ដាណៃ តាមនីតិវិធី ។
ហេតុដូច្នេះសម្រេច ១.បង្គាប់ឲ្យចាប់ខ្លួនជនត្រូវចោទ ឈ្មោះ សារិន រ៉ាត់ណាត់ដាណែ_ភេទប្រុស អាយុ៣៥ឆ្នាំ
ដែលមានអត្តសញ្ញាណខាងលើនេះ ។ ២.បញ្ហាកងកម្លាំងសាធារណៈ ឲ្យស្រាវជ្រាវរកចាប់ និងនាំខ្លួនឈ្មោះខាងលើនេះ មកប្រគល់ជូនសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕ដោយ៖កូឡាប