អ្នកទេសចរចំនួន ៥នាក់ដែលរងការចោទប្រកាន់ពីបទបំផ្លាញតំបន់បេតិកភណ្ឌ Machu Picchu របស់ប្រទេសប៉េរូ ត្រូវបានបណ្តេញចេញពីប្រទេស និងហាមមិនឲ្យត្រឡប់មកវិញរយៈពេល ១៥ឆ្នាំ។ នេះបើតាមការបញ្ជាក់របស់មន្រ្តីអន្តោប្រវេសន៍នៃប្រទេសនេះ។
មន្រ្តីអន្តោប្រវេសន៍ប៉េរូបានថ្លែងក្នុងសេចក្តីប្រកាសថា អ្នកទេសចរចំនួន ៥នាក់ មានជនជាតិប្រេស៊ីល ២នាក់ អាហ្សង់ទីនម្នាក់ ឈីលីម្នាក់ និងបារាំងម្នាក់ ត្រូវបានដាក់ទោសដោយការបណ្តេញចេញ និងហាមមិនឲ្យត្រឡប់មកលេងប្រទេសប៉េរូរយៈពេល ១៥ឆ្នាំ។
ពួកគេក៏រងការសង្ស័យថាបានបន្ទោរបង់ (បត់ជើងធំ) នៅក្នុងប្រទេសព្រះអាទិត្យផងដែរ។
ចំណែកអ្នកទេសចរទី ៦ ដែលជាជនជាតិអាហ្សង់ទីន ត្រូវបានអាជ្ញាធរហាមមិនឲ្យចាក់ចេញពីទីក្រុងមួយនៃ តំបន់បេតិកភណ្ឌ Machu Picchu ឡើយ ក្រោយពេលបានទទួលស្គាល់ថា បានបំផ្លិចបំផ្លាញប្រទេសព្រះអាទិត្យ។
អ្នកទេសចររូបនោះប្រឈមនឹងការកាត់ទោស និងអាចប្រឈមការជាប់គុករយៈពេល ៤ឆ្នាំ៕
អត្ថបទប្រែសម្រួលដោយ៖ សុភ័ក្រ
ប្រភព៖ channelnewsasia
