ភ្នំពេញ៖ លោក អ៊ូ ជាលី ជាគ្រូបង្រៀននៅ វិទ្យាល័យ ឥន្ទ្រទេវី បានរៀបរាប់ថា នគរបាលស្រុក កងមាស ខេត្ត កំពង់ចាម បានចាប់ឃាត់វ៉ៃខ្នោះ លោក កាលពី ព្រលប់ថ្ងៃទី ១៤ ខែ សីហា ឆ្នាំ ២០១៩ ដោយចោទប្រកាន់ថា លោកបេីកឡានបុកគេស្លាប់នៅភូមិ អង្គរបានទី៩ ឃុំ អង្គរបាន ស្រុក កងមាស ខេត្តកំពង់ចាម ។
នេះបើតាមការផ្សាយព័ត៌មានរបស់លោកផែង វណ្ណៈ នៅថ្ងៃទី១៧មករា។
លោកបានបដិសេដថាមិនបានប្រព្រឹត្តដូចការចោទប្រកាន់ទេ ។ ទោះជាយ៉ាងណាក្ដី នគរបាលស្រុកកងមាស នៅតែចោទប្រកាន់លោក ហេីយឃុំខ្លួនលោកបញ្ជូនទៅ តុលាការខេត្តកំពង់ចាម ។
ពេលទៅដល់ តុលាការខេត្តកំពង់ចាម តុលាការអោយតំកល់លុយ ១០០០០ ដុល្លារអាមេរិក ទេីបដោះលែងលោកអោយនៅក្រៅឃុំ ។ ចំណែករថយន្តរបស់លោក ត្រូវបានឃាត់ទុកនៅ អធិការដ្ឋាននគរបាលស្រុក កងមាស ។
នគរបាលស្រុកកងមាស ចាប់លោកផ្អែកលេីវីដេអូមួយដែលថតមិនបានច្បាស់លាស់ទាំងលេខរថយន្ត ទាំងភិនភាគរថយន្ត ។
ដោយមេីលឃេីញការចោទប្រកាន់យ៉ាងអយុត្តិធម៌បែបនេះ លោកបានស្នេីអោយនគរបាលបច្ចេកទេស វិទ្យាសាស្ត្រ ធ្វេីកោសល្យវិច្ច័យ ស្លាកស្នាមរថយន្ដរបស់លោក ។ នគរបាលជំនាញ បច្ចេកទេស វិទ្យាសាស្ត្រ បានបញ្ជាក់ថា ផ្អែកតាមសាក្សី និង ផ្អែកតាមការពិនិត្យស្លាកស្នាម រថយន្ត តាកូម៉ាស្លាកលេខ 2AU-3652 ភ្នំពេញ មិនមានស្លាកស្នាមបង្ករគ្រោះថ្នាក់ចរាចរទេ ។
ទោះជាមានរបាយការណ៍របស់នគរបាលជំនាញបច្ចេកទេស វិទ្យាសាស្ត្រ បានបញ្ជាក់យ៉ាងនេះក្ដី ក៏នគរបាល និង ព្រះរាជអាជ្ញា និង ចៅក្រម មិនលេីកលែងការចោទប្រកាន់លោកដដែល ។
ពេលនេះ លោកគ្រូ អ៊ូ ជាលី បានសំណូមពរអោយ លោកព្រះរាជអាជ្ញា ហួត វុទ្ធី និង លោកចៅក្រម មេត្តាលេីកលែងការចោទប្រកាន់ចំពោះរូបលោក និងសូមអោយលោកបានដកលុយយកទៅសងគេ និង យកឡានទៅប្រេីប្រាស់វិញ ៕ដោយ៖បញ្ញាស័ក្តិ
