ចំនួនអ្នកដែលបានឆ្លងវីរុសដ៏អាថ៌កំបាំង នៅក្នុងប្រទេសចិន មានច្រើនជាងខ្លាំង ពីតួលេខផ្លូវការ។ នេះបើតាមអ្នកវិទ្យាសាស្រ្តបញ្ជាក់ប្រាប់ BBC។
មានការបញ្ជាក់ថាមានករណីវីរុសថ្មីនេះចំនួន ៤១ករណី ប៉ុន្តែអ្នកជំនាញអង់គ្លេសបានប៉ាន់ប្រមាណថា មានចំនួនជិត ១.៧០០។
មនុស្សចំនួន ២នាក់បានស្លាប់ដោយសារតែវីរុសប្រភេទថ្មីនេះ នៅទីក្រុង Wuhan ប្រទេសចិនកាពីខែធ្នូកន្លងទៅនេះ។
អ្នកវិទ្យាសាស្រ្តផ្នែកជំងឺឈ្មោះ Neil Ferguson បានថ្លែងថា “ខ្ញុំពិតជាមានការព្រួយបារម្ភខ្លាំងជាងមួយសប្តាហ៍មុន”។
ក្រោយមានការផ្ទុះជំងឺថ្មីនេះ ប្រទេសសិង្ហបុរី និងទីក្រុងហុងកុង បានធ្វើការត្រួតពិនិត្យអ្នកដំណើរយន្តហោះ ដែលមកពីទីក្រុង Wuhan ចំណែកអាជ្ញាធរអាមេរិច ក៏បានប្រើប្រាស់វិធានការស្រដៀងគ្នាកាលពីថ្ងៃសុក្រម្សិលមិញ នៅព្រលានយន្តហោះសំខាន់ៗ ៣ ក្នុងទីក្រុង San Francisco, Los Angeles និង New York៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC