ភ្នំពេញ៖ សមត្ថកិច្ច ខណ្ឌដង្កោ បាន ចុះ អន្តរាគមន៍ ឃាត់ខ្លួន មន្ត្រីយោធាស័ក្តិ ៣ ម្នាក់បំរើការងារនៅអង្គភាព យោធភូមិភាគ ពិសេស ស្រវឹងស្រា បាញ់បោះ សេរី បង្កឱ្យមាន ការភ្ញាក់ផ្អើល ប្រជាពលរដ្ឋ និង សមត្ថកិច្ច មូលដ្ឋាន ហើយជនសង្ស័យ និងវត្ថុតាង ត្រូវបានសមត្ថកិច្ច នាំយកទៅការិយាល័យស្រាវជ្រាវយុត្តិធម៍ នៃបញ្ជាការដ្ឋានកងរាជអាវុធហត្ថ រាជធានីភ្នំពេញ ។
ឃាត់ខ្លួនមន្ត្រីយោធាម្នាក់ បម្រើការងារនៅអង្គភាពយោធភូមិភាគពិសេស ដោយហេតុថាស្រវឹងដកកាំភ្លេីងបាញ់បោះសេរី ធ្វេីអោយប្រជាពលដ្ឋភ័យខ្លាច និងបាត់បង់សេចក្តីថ្លៃថ្នូរក្នុងនាមជាខ្លួនជាកងកម្លាំង ។
យោងតាមរបាយការណ៍កងរាជអាវុធ ហត្ថខណ្ឌដង្កោអោយដឹងថាជនសង្ស័យ មានឈ្មោះ ពៅ សារ៉ន ភេទប្រុស អាយុ៤៣ឆ្នាំ ស្នាក់នៅផ្ទះលេខ០៦ បុរីពិភពថ្មី ផ្លូវលេខ១១០ ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ត្រូវបានចាប់ខ្លួនភ្លាមៗ ក្រោយពីធ្វើសកម្មភាពប្រើប្រាស់ អាវុធខ្លី១ដើម ម៉ាកឡុកបាញ់ចំនួន២គ្រាប់ កាលពីវេលាម៉ោង០៧៖៤០នាទី យប់ថ្ងៃទី១៩ ខែមករា ឆ្នាំ២០២០ នៅចំណុចម្តុំលំនៅឋាន របស់ជនសង្ស័យរស់នៅ។
សមត្ថកិច្ចដកហូតអាវុធខ្លីម៉ាកឡុក១ដើម គ្រាប់ចំនួន១០គ្រាប់ នឹងនៅកន្លែងកើតហេតុ សមត្ថកិច្ចពិនិត្យរកឃើញ សំបកគ្រាប់០១គ្រាប់។
ជនសង្ស័យ និងវត្ថុតាង ត្រូវបានសមត្ថកិច្ច នាំយកទៅការិយាល័យស្រាវជ្រាវយុត្តិធម៍ នៃបញ្ជាការដ្ឋានកងរាជអាវុធហត្ថ រាជធានីភ្នំពេញ ដើម្បីធ្វើកំណត់ហេតុស្តាប់ចម្លើយ ទៅចាត់ការតាមផ្លូវច្បាប់៕ ដោយ៖កូឡាប