ខេត្តព្រះសីហនុ ៖ នគរបាលព្រហ្មទណ្ឌកម្រិតធ្ងន់ បានឲ្យដឹងថា ដោយមានការសម្របសម្រួល និងដឹកនាំនីតិវិធីពីលោក លឹម ប៊ុនហេង ព្រះរាជអាជ្ញារងនៃអយ្យការអមសាលាដំបូងខេត្តព្រះសីហនុ កម្លាំងជំនាញនៃការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់លេខ១ ប៉ុស្តិ៍នគរបាលរដ្ឋបាលសង្កាត់លេខ២ ក្រុងព្រះសីហនុ ខេត្ដព្រះសីហនុ បានចុះទៅបង្ក្រាបទីតាំងល្បែងបាញ់ត្រី (ខុសច្បាប់) ០២កន្លែងនៅថ្ងៃទី១៨ ខែមករា ឆ្នាំ២០២០ វេលាម៉ោង២១និង៣០នាទីយប់។
ទីតាំងល្បែងបាញ់ត្រី (ខុសច្បាប់) ០២កន្លែងគឺ ៖
I. យីហោ ហ្គេមកម្សាន្ត ហ័ងគ័ន ស្ថិតក្នុងក្រុម១៥ ភូមិ៣ សង្កាត់១ ក្រុុង-ខេត្តព្រះសីហនុ ។ ជាលទ្ធផលយើងពិនិត្យឃើញំទីតាំងខាងលើពុំមានច្បាប់អនុញ្ញាតត្រឹមត្រូវនោះទេ ហើយយើងក៏បានធ្វើការឃាត់ខ្លួនបុគ្គលិកដែលកំពុងបំរើការនៅក្នុងទីតាំងខាងលើ រួមនឹងអ្នកលេងយកមកសាកសួរ មានឈ្មោះដូចខាងក្រោម៖
១. ឈ្មោះ LI YATIAN ភេទប្រុស អាយុ៤៨ឆ្នាំ ជនជាតិចិន ជាអ្នកគ្រប់គ្រងទិតាំងខាងលើ ស្នាក់នៅទីកន្លែងកើតហេតុ ។
២. ឈ្មោះ ស៊ុំ ចន្ទ្រា ភេទស្រី អាយុ១៩ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៣. ឈ្មោះ ផុន រ៉ាវ័ន ភេទស្រី អាយុ២០ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៤. ឈ្មោះ ផុន សាវ័ន្ត ភេទស្រី អាយុ៣១ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៥. ឈ្មោះ ណេង រ៉ា ភេទស្រី អាយុ១៩ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៦-ឈ្មោះ សុខ និន ភេទប្រុស អាយុ២៧ឆ្នាំជនជាតិខ្មែរ មុខរបរកម្មករសំណង់ (អ្នកលេង) ។
វត្ថុតាងដែលដកហូតរួមមាន៖ ទូរហ្គេមត្រី ២ទូរ (មានលុយក្នុងទូរចំនួន ៥៥៥ដុល្លារអាមេរិក) តុប៊ីយ៉ា ០១តុ ទូរប៉ុង ចំនួន ៨គ្រឿង លុយអាមេរិក ៨៤៥ដុល្លារ, លុយខ្មែរ ៣៦៦០០០រៀល (ដកហូតពីកន្លែងតុក Cashier ក្នុងទីតាំងខាងលើ) សៀវភៅបញ្ជី ៤ក្បាល ទូរស័ព្ទ ៣គ្រឿង ឯកសារ និងសម្ភារៈផ្សេងៗមួយចំនួនទៀត។
II. យីហោ មណ្ឌលកំសាន្តភូជិង ស្ថិតក្នុងក្រុម៤ ភូមិ២ សង្កាត់២ ក្រុុង-ខេត្តព្រះសីហនុ ។ ជាលទ្ធផលយើងពិនិត្យឃើញំទីតាំងខាងលើពុំមានច្បាប់អនុញ្ញាតត្រឹមត្រូវនោះទេ ហើយយើងក៏បានធ្វើការឃាត់ខ្លួនបុគ្គលិកដែលកំពុងបំរើការនៅក្នុងទីតាំងខាងលើ រួមនឹងអ្នកលេងយកមកសាកសួរ មានឈ្មោះដូចខាងក្រោម៖
១.ឈ្មោះ zheng meishuang ភេទស្រី អាយុ ៤៨ឆ្នាំ ជនជាតិចិន ជាអ្នកគ្រប់គ្រងទីតាំងខាងលើ
២. ឈ្មោះ xu yi tao ភេទប្រុស អាយុ ២១ ឆ្នាំ ជនជាតិចិន មុខរបរៈបុគ្គលិក
៣. ឈ្មោះ ហែមស្រីរ័ត្ន ភេទស្រី អាយុ២៤ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៤. ឈ្មោះ សុងចាន់យ៉ា ភេទស្រី អាយុ ១៨ឆ្នាំ ជនជាតិខ្មែរ ជាបុគ្គលិកផ្នែកដាក់ពុង
៥. ឈ្មោះ ចាន់ឡា ភេទប្រុស អាយុ ២៨ឆ្នាំ ជនជាតិខ្មែរ មុខរបរៈរត់ម៉ូតូឌុប (អ្នកលេង)
៦. ឈ្មោះ វ៉ាន់ ណេត ភេទប្រុស អាយុ ២២ឆ្នាំ ជនជាតិខ្មែរ មុខរបរៈរត់ម៉ូតូឌុប (អ្នកលេង)
៧. ឈ្មោះ ចាន់ វាសនា ភេទប្រុស អាយុ ១៨ឆ្នាំ ជនជាតិខ្មែរ មុខរបរៈកម្មករសំណង់ (អ្នកលេង)
៨. ឈ្មោះ កែវ ចិន្ដា ភេទប្រុស អាយុ ១៨ឆ្នាំ ជនជាតិខ្មែរ មុខរបរៈកម្មករសំណង់ (អ្នកលេង)
៩. ឈ្មោះ កែវ លាភសំណាង ភេទប្រុស អាយុ ១៦ឆ្នាំ ជនជាតិខ្មែរ មុខរបរៈមិនពិតប្រាកដ (អ្នកលេង)
១០. ឈ្មោះ ឡាយ ភ័ក្ដ្រ ភេទប្រុស អាយុ ២០ឆ្នាំ ជនជាតិខ្មែរ មុខរបរៈកម្មករសំណង់ (អ្នកលេង)
១១. ឈ្មោះ បឿន សកល ភេទប្រុស អាយុ ២៥ឆ្នាំ ជនជាតិខ្មែរ មុខរបរៈបុគ្គលិកកាស៊ីណូ(អ្នកលេង) ។
ដោយឡែកឈ្មោះ ហែម ស្រីរ័ត្ន សមត្ថកិច្ចយើងបានសម្រេចឲ្យនៅមើលថែរក្សាសម្ភារៈវត្ថុតាងនៅកន្លែងកើតហេតុ ។
វត្ថុតាងដែលដកហូតរួមមាន៖ ទូរហ្គេមត្រី ៣ទូរ (មានលុយក្នុងទូរចំនួន ១៩៥០ដុល្លារអាមេរិក) ទូហ្គេមដាក់ពង់ ចំនួន២៤ទូ ទូដាក់កាក់យកតុក្តា ចំនួន០២ ទូដាក់កាក់លេងកំសាន្តចំនួន០២ ទូហ្គេមប្រណាំងម៉ូតូចំនួន០២ទូ ទូប្រណាំងឡានចំនួន០២ទូ លុយខ្មែរ ១២៤០០០០រៀល (ដកហូតពីកន្លែងតុក Cashier ក្នុងទីតាំងខាងលើ) សៀវភៅបញ្ជី ១២ក្បាល ទូរស័ព្ទ ៥គ្រឿង ឯកសារ និងសម្ភារៈផ្សេងៗមួយចំនួនទៀត ។
ជនសង្ស័យទាំងពីរទីតាំងខាងលើត្រូវបានបញ្ជូនមកកាន់ការិយាល័យនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ដព្រះសីហនុ ដើម្បីសាកសួរតាមនីតិវិធី ៕ដោយ៖បញ្ញាស័ក្តិ
