ភ្នំពេញ៖ ជនដៃដល់បាញ់សម្លាប់ Dj ហូ មិនា គឺជាមន្ត្រីកងរាជអាវុធហត្ថ ពាក់ស័ក្ដិ៍ ៤ ឈ្មោះ ដួង មុន្នីរដ្ឋ ពេលនេះ សមត្ថកិច្ចក្រសួងមហាផ្ទៃ បានបញ្ជូនដីកាទៅគ្រប់ច្រកព្រំដែនទូទាំងប្រទេសដេីម្បីតាមចាប់ជនដៃដល់រូបនេះមកផ្ដន្ទាទោសតាមច្បាប់ ។
ព្រះរាជអាជ្ញា កែវ សុធា បានចេញដីកាបង្គាប់ឲ្យ ខ្មាន់កាំភ្លើងម្នាក់ ដែលបាញ់សម្លាប់ DJ នៅក្លឹបកម្សាន្ដមួយ ក្នុងភោជនីយដ្ឋានហេបភីណេស ផ្ទះលេខ៨៥ ផ្លូវលេខ៦៣ ភូមិ៩ សង្កាត់បឹងរាំង ខណ្ឌដូនពេញ។
បើតាមដីការ បស់ព្រះរាជអាជ្ញា កែវ សុធា កាលពី ថ្ងៃទី១៤ ខែមករា ឆ្នាំ២០២០ បញ្ជាឲ្យខ្មាន់កាំភ្លើង ចូលខ្លួន បានបង្ហាញថា ជនសង្ស័យឈ្មោះ ដួង មុនីរដ្ឋ អាយុ២៧ឆ្នាំ មានទីលំនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្ដាល ហើយកំណត់ឲ្យបង្ហាញខ្លួននៅអធិការដ្ឋាននគរបាលខណ្ឌដូនពេញ នៃស្នងការដ្ឋាននគរបាលរាជធានីភ្នំពេញ ឲ្យបានមុនថ្ងៃទី៣ ខែកុម្ភៈ ឆ្នាំ២០២០ ដើម្បីសាកសួរលើបណ្ដឹងព្រហ្មទណ្ឌ ពីបទឃាតកម្ម។
សូមរំលឹកថា ខ្មាន់កាំភ្លើងម្នាក់បាន បាញ់ប្រហារ កាលពីថ្ងៃទី០៩ ខែមករា ឆ្នាំ២០២០ ត្រូវចំក្បាលជនរងគ្រោះឈ្មោះ ហូ មិនា ស្នាក់នៅផ្ទះលេខ៤៣H ផ្លូវទន្លេសាប ភូមិដើមគរ សង្កាត់ជ្រោយចង្វារ ខណ្ឌជ្រោយចង្វា មុខរបរអ្នកចាក់ភ្លេង (DJ) បណ្តាលឲ្យស្លាប់នៅហ្នឹងកន្លែងកើតហេតុ។
បច្ចុប្បន្នផែនជំនាញខណ្ឌ និងប៉ុស្ដិ៍កំពុងបន្តនិតិវិធីស្រាវជ្រាវ ដើម្បីកំណត់អត្តសញ្ញាណជនដៃដល់។
បុគ្គលិកក្នុងហេតុដែលបានឃើញហេតុការណ៍នេះ បានបញ្ជាក់ថា មុនពេលកើតហេតុគេឃើញបុរសរងគ្រោះ និងបុរសម្នាក់ទៀត ដែលជាជនដៃដល់ បានជិះរថយន្តមកជាមួយគ្នា ដើម្បីហូបស៊ុប ពេលជិតមកដល់ភោជនីយដ្ឋាន ជនរងគ្រោះបានដើរចូលក្នុងហាងអង្គុយតុមុន ឯជនដៃដល់ក៏នៅរៀបចំចតរថយន្តនៅខាងក្រៅ។ បន្ទាប់ពីចតរថយន្តរួចជនដៃដល់ បានដើរចូលក្នុងហាង និងទាញកាំភ្លើងបាញ់ផ្អឹបសៀតផ្កាជនរងគ្រោះ១គ្រាប់ បណ្តាលឲ្យជនរងគ្រោះអង្គុយស្លាប់លើតុ។
នាយកដ្ឋានកណ្តាលនគរបាលយុត្តិធម៌នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានចេញលិខិតគោរពជូនលោក នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ។ តាមរយៈលោកឧត្តមសេនីយ៍ឯក អគ្គស្នងការរងទទួលផែននាយកដ្ឋានកណ្តាលនគរបាលយុត្តិធម៌ សំណើសុំកិច្ចសហការជាមួយអគ្គនាយកដ្ឋានអន្តោប្រវេសន៍ត្រួតពិនិត្យដំណើរចេញ-ចូលរបស់ឈ្មោះ ដួង មុនីរដ្ឋ ភេទប្រុស អាយុ ២៧ឆ្នាំ ជនជាតិ ខ្មែរ ពាក់ពន្ធ័ករណ៍៖ ឃាតកម្ម ។
យោង ដីកាបញ្ជាឲ្យចូលខ្លួនលេខ ០៩ អយក ចុះថ្ងៃទី ១៤/ ០១/២០២០ របស់អយ្យការអមសាលាដំបូងរាជធានីភ្នំពេញ ។
នាយកដ្ឋាននគរបាលព្រហ្មទណ្ឌ សូមគោរពជម្រាបជូនលោកនាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ មេត្តាជ្រាបៈ នៅថ្ងៃទី ០៩ មករា ២០២០ វេលាម៉ោង ៤និង៤០នាទី នៅចំណុចភោជនីយ៍ដ្ឋាន ហេបភីណេស ស្ថិតតាមបណ្តោយផ្លូវលេខ ៦៣ សង្កាត់បឹងរាំង ខណ្ឌដូនពេញមានករណី ឃាតកម្ម មួយកើតឡើងបង្គដោយជនសង្ស័យមិនអត្តសញ្ញាណ ។ ក្រោយពីមានហេតុការណ៍កើតឡើងសមត្ថកិច្ចធ្វើការស្រាវជ្រាវនិងកំណត់បានអត្តសញ្ញាណជនសង្ស័យដែលប្រព្រឹត្តបទល្មើស ។
នៅថ្ងៃទី១៤ មករា ២០២០ អយ្យការអមសាលាដំបូងរាជធានីភ្នំពេញ បានចេញដីកាបញ្ជាឲ្យចូលខ្លួនលើឈ្មោះ ដួង មុនីរដ្ឋ ភេទប្រុស អាយុ ២៧ឆ្នាំ ជនជាតិ ខ្មែរ ពាក់ពន្ធ័ពីបទ៖ ឃាតកម្ម ហើយបច្ចុប្បន្នសង្ស័យថាតើអាច
ខ្លួនចេញទៅក្រៅប្រទេស ។
ដើម្បីមានមូលដ្ឋានក្នុងការស៊ើបអង្កេត នាយកដ្ឋាននគរបាលព្រហ្មទណ្ឌ ស្នើសុំសហការជាមួយអគ្គនាយក
ដានអន្តោប្រវេសន៍ ធ្វើការត្រួតពិនិត្យដំណើរចេញ-ចូល ព្រះរាជាណាចក្រកម្ពុជា របស់ឈ្មោះ ដួង មុនីរដ្ឋ ក្នុងករណីរកឃើញសូមឃាត់ខ្លួន និងផ្តល់ព័ត៌មាន មកនាយកដ្ឋាននគរបាលព្រហ្មទណ្ឌ ដើម្បីចាត់ការបន្តតាមនីតិវិធី ៕ដោយ៖កូឡាប