តាកែវ៖ ក្រុមកម្មារិនីរោងចក្រដេសម្លៀកបំពាក់ វុណាមី ដែលស្ថិតនៅក្នុងនៅភូមិសំរោង ឃុំសូភី ស្រុកបាទី ចំនួន៥៣នាក់បានបន្តដួលសម្លប់ជាបន្តទៀតនៅថ្ងៃទី ២២ ខែ មករា ឆ្នាំ ២០២០នេះ បន្ទាប់ពីម្សិលមិញនេះ ក្រុមកម្មកររោងចក្រដដែលនេះ ចំនួនជាង៤០នាក់បានដួលសន្លប់ ។
លោក មូល វឹចឹត្រ អភិបាលរងខេត្តតាកែវ បានថ្លែងឲ្យដឹងថា កម្មកដែលដួលសន្លប់ត្រូវបានបញ្ជូនទៅព្យាបាលនៅគ្លីនិកឯកជន ដែលបានចុះកិច្ចព្រមព្រៀងជាមួយនិងបេឡាជាតិរបបសន្តិសុខសង្គម និងមួយចំនួនទៀត ត្រូវវបានបញ្ជូនទៅព្យាបាល នៅមណ្ឌលសុខភាព និងមន្ទីរពេទ្យបង្អែកស្រុកបាទី ហើយរហូតមកដល់ពេលនេះ កម្មករដែលដួលសន្លប់មានសភាពធូរស្រាលឡើងវិញហើយ។
លោកអភិបាលរងខេត្តតាកែវ បានមានប្រសាសន៍បន្តថា បើយោងតាមគណៈកម្មាធិការ ដែលបង្កើតឡើងដើម្បីស្វែករកមូលហេតុ នៃការដួលសន្លប់នេះ ហើយដែលមានការចូលរួមពីមន្រ្តីមកពីក្រសួងសុខាភិបាល និងក្រសួងការងារផងបានបង្ហាញថា មូលហេតុដែលនាំឲ្យកម្មករបន្តដួលសន្លប់ ក្នុងរយៈពេលពីរថ្ងៃបន្តបន្ទាប់នេះ គឺបណ្ដាលមកពីកង្វះអ៊ុកស៊ីហ្សែនសម្រាប់ដកដង្ហើម និងដោយសារមិនមានខ្យល់ចេញចូលនៅក្នុងរោងចក្រគ្រប់គ្រាន់។
បើតាមលោក មូល វិចឹត្រ ដើម្បីទប់ស្កាត់កុំឲ្យកម្មករបន្តដួលសន្លប់តទៅទៀត គណៈកម្មាធិការចម្រុះ បានធ្វើការណែនាំដល់ភាគីរោងចក្រ ត្រូវរៀបចំឲ្យមានលំហរខ្យល់ចេញចូល នៅក្នុងរោងចក្រ អនុញ្ញាតឲ្យកម្មករចំនួន៩៨នាក់ សម្រាករហូតដល់ថ្ងៃទី២៧ ទើបចូលធ្វើការវិញ និងត្រូវផ្អាកការធ្វើការបន្ថែមម៉ោង រហូតដល់សុខភាពបងប្អូនកម្មករ បានល្អប្រសើរឡើងវិញ៕ដោយ៖តាកែវ
