ខេត្តមណ្ឌលគិរី៖ សមត្ថកិច្ចស្រុកកែវសីមា បានឲ្យដឹងថា សិស្សសាលាវិទ្យាល័យហ៊ុនសែន កែវសីមា បានដួលសន្លប់ចំនួន១០នាក់ ត្រូវបានបញ្ជូនទៅសង្គ្រោះនៅមណ្ឌលសុខភាព និងពេទ្យឯកជន ស្រុកកែវសីមា នៅរសៀលថ្ងៃទី២៣ ខែមករា ឆ្នាំ២០២០នេះ។
សមត្ថកិច្ចឲ្យដឹងបន្តថា ក្នុងចំណោមសិស្សដួលសន្លប់១០នាក់នោះ គឺមានសិស្សម្នាក់ មានជំងឺធ្ងន់ធ្ងរជាងគេ ដោយត្រូវបានបញ្ជូនទៅសង្គោះនៅមន្ទីរពេទ្យបង្អែកខេត្តមណ្ឌលគិរី។
មេឃុំស្រែខ្ទុម ប៊ុត សំអ៊ែល បានឲ្យដឹងថា រហូតមកដល់ល្ងាចថ្ងៃទី២៣ ខែមករា ឆ្នាំ២០៣០នេះ សមត្ថកិច្ចមូលដ្ឋាននៅមិនទាន់ដឹង ពីមូលហេតុនាំឲ្យសិស្សសាលាខាងលើ បានដួលសន្លប់ទាំង១០នាក់នោះ នៅឡើយទេ ដោយរង់ចាំមន្ត្រីសុខាភិបាល ចុះមកពិនិត្យជាក់ស្តែង ឲ្យបានច្បាស់លាស់ជាមុនសិន។
លោក ប៊ុត សំអ៊ែល មេឃុំស្រែខ្ទុមឲ្យបន្តថា ករណីសិស្សសាលា នៅវិទ្យាល័យហ៊ុនសែនកែវសីមា ដួលសន្លប់នេះ ដំបូងមានសិស្សស្រីចំនួនតែ៤នាក់ទេ ហេតុការណ៍ឡើងតាំងពីវេលាម៉ោងជិត ៣រសៀលថ្ងៃទី២៣ ខែមករា រហូតដល់ម៉ោងជិត៥ល្ងាចថ្ងៃដដែល សិស្សសាលាបានសម្លប់ជាបន្តបន្ទាប់ ចំនួន១០នាក់ ប៉ុន្តែក្នុងចំនួន១០នាក់ខាងលើ មានម្នាក់ត្រូវតែបញ្ជូនទៅមន្ទីរពេទ្យបង្អែកខេត្តមណ្ឌលគិរី ដោយសភាពធ្ងន់ធ្ងរជាងគេ។
សិស្សសាលាដែលដួលសន្លប់ចំនួន ១០នាក់រួមមាន៖ ១- រង្សី លីហ្សា ភេទស្រី សិស្សថ្នាក់ទី១១, ២- ល៊ាន គឹមហ័រ ភេទស្រី សិស្សថ្នាក់ទី ១០, ៣- ជុ ស្រីនីន ភេទស្រី សិស្សថ្នាក់ទី ១០, ៤- សេង លីឈីង ភេទស្រី សិស្សថ្នាក់ទី ១០ , ៥- សាវិន វិសូនីតា ភេទស្រី សិស្សថ្នាក់ទី១០, ៦- អ៊ុល ស្រីនិច្ច ភេទស្រី សិស្សថ្នាក់ទី ១០, ៧- ផន ស្រីវ៉េត ភេទស្រី សិស្សថ្នាក់ទី១០ , ៨- រី នីតា ភេទស្រី សិស្សថ្នាក់ទី១០ , ៩- គា វណ្ណី ភេទស្រី សិស្សថ្នាក់ទី១០ និង១០- ហាច ដានី ភេទស្រី សិស្សថ្នាក់ទី១១។
ទាក់ទិនបញ្ហាខាងលើនេះ សមត្ថកិច្ចមូលដ្ឋានបានសន្និដ្ឋានថា ទំនងជាសិស្សសាលាទាំងនោះ ថប់ដង្ហើម ណែនទ្រូង ទន់ដៃទន់ជើង ទើបធ្វើឲ្យគាត់សន្លប់។
បច្ចុប្បន្នសិស្សសាលាទាំង១០នាក់ ដែលដួលសន្លប់ កំពុងត្រូវបានជួយសង្គ្រោះ នៅមន្ទីរពេទ្យឯកជន នៅមណ្ឌលសុខភាពអូរអាមកែវសីមា៕ ដោយ៖ ដែន សីមា
