ឆ្នាំជូត
រាសីខ្ពស់ត្រដែត។ នៅថ្ងៃនេះបើលោកអ្នកធ្វើអ្វីមួយបានល្អនោះក៏តែងផ្តល់ផលល្អនិងកិច្ចការងារមួយចំនួនមានអ្នកដទៃជួយគាំពារថែមទៀត ។សម្រាប់ការប្រកបរបររកស៊ីជួញដូរលោកអ្នកអាចបោះទុនរកស៊ីចូលហ៊ុនជាមួយអ្នកដទៃដោយអាចទទួលនូវផ្លែផ្កាមកវិញគួរជាទីពេញចិត្តហើយបើលោកអ្នកចង់ជួញដូរផ្លូវឆ្ងាយក៏តែងហុចផ្លែផ្កាដូចការគ្រោងទុកផង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ឆ្នាំឆ្លូវ
រាសីខ្ពស់ត្រដែត។ នៅថ្ងៃនេះមានជោគសិរី ហើយបើចង់ប្រកបកិច្ចការអ្វីមួយសំខាន់អាចចាប់ផ្តើមនៅថ្ងៃនេះបានហើយពីព្រោះថាផលល្អៗតែងឆ្លើយតបមកវិញជានិច្ច។សម្រាប់អ្នកប្រកបរបររកស៊ីជួញដូរលាភធ្លាប់តែបោលហួសឬជួបភាពតានតឹងបានផ្លាស់ប្តូរមកធូរស្រាល ហើយបើមានក្រុមអតិថិជនជំពាក់ប្រាក់កាស គេអាចយកមកសងវិញទៀតផង។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីបើលោកអ្នកស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការរៀបចំផ្សំផ្គុំជាគ្រូសារបំផុត៕
ឆ្នាំខាល
រាសីខ្ពស់ត្រដែត។ នៅថ្ងៃនេះបើលោកអ្នកមានការសម្រេចចិត្តអ្វីមួយបានល្អនោះតែងផ្តល់ជាផ្លែផ្កាយ៉ាងប្រសើរនៅគ្រាខាងមុខទៀតផង។ចំពោះអ្នកប្រកបរបររកស៊ីជួញដូរវិញបើចង់បោះទុនតូចធំមិនមានទាស់ខុសអ្វីទេគឺតែងហុចផ្លែផ្កាមកវិញដូចជាទីគាប់ចិត្ត ប៉ុន្តែយ៉ាងណាត្រូវចេះពិនិត្យទីតាំងនិងស្ថានភាពឱ្យស្រូលបួលទើបមិនត្រូវជួបរឿងផលអាក្រក់ឬត្រូវខាតឡុងចុងនៅពេលណាមួយមកវិញ។
ឆ្នាំថោះ
រាសីល្អជាមធ្យម។ ក្នុងថ្ងៃនេះទោះធ្វើអ្វីក៏ដោយតោងតែមានការប្រយ័ត្នប្រយែងបន្តិចទើបគ្មានបញ្ហាអាក្រក់ណាមួយចោទឡើង។ចំពោះការប្រកបការងារសព្វបែបយ៉ាងលោកអ្នកមិនត្រូវមានចិត្តប្រកែប្រកាន់ច្រើនឡើយព្រោះនាំតែកើតជម្លោះវិវាទប៉ុណ្ណោះ។អ្នកប្រកបរបររកស៊ីជួញដូរវិញមិនត្រូវធ្វើអ្វីដោយតក់ក្រហល់ចង់បានភ្លាមៗទេពិសេសការបណ្តាក់ទុនរកស៊ីប្រយ័ត្នជួបរឿងស៊យអស់ប្រាក់កាសពីខ្លួនត្រូវមកដេកសោកស្តាយ។
រីឯមនោសញ្ចេតនាស្នេហាកំលោះក្រមុំមានដំណើរទៅមុខជឿនលឿនគួរសមហើយក៏មានភាស្រស់ស្រាយប្រពៃ៕
ឆ្នាំរោង
រាសីស្រុតចុះ។ នៅថ្ងៃនេះមិនផ្តល់ផលល្អសម្រាប់លោកអ្នកទំនាក់ទំនងនរណាម្នាក់ទេពីព្រោះថាផលមិនល្អងាយកើតឡើងផង។ក្រៅពីនេះលោកអ្នកគប្បីយកចិត្តទុកដាក់ថែទាំការងារព្រោះងាយធ្លាក់ស្រុតចុះឬក្រុមមនុស្សបង្កជាឧបសគ្គណាស់។អ្នកប្រកបរបររកស៊ីជួញដូរមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបមិនមានរឿងរ៉ាវចម្រូងចម្រាសកើតមានឡើង។
រីឯមនោសញ្ចេតនាបញ្ហាស្នេហាកំលោះក្រមុំមានការនឿយណាយនិងបង្កជម្លោះជាមួយគ្នាច្រើន៕
ឆ្នាំម្សាញ់
រាសីល្អជាមធ្យម។ នៅថ្ងៃនេះលោកអ្នកមុនធ្វើអ្វីឬចង់ធ្វើអ្វីគប្បីមានការគិតឱ្យបានគ្រប់ជ្រុងជ្រោយពីព្រោះថាដួងរាសីកំពុងស្ថិតនៅក្នុងអំឡុងមានបញ្ហារង្គោះរង្គើមួយចំនួនយាយីដូចនេះបើសម្រេចចិត្តត្រូវមិនថ្វីទេ ប៉ុន្តែបើសម្រេចចិត្តខុសនោះផលលំបាកក៏កើតមានច្រើនទៅតាមនោះដែរ។សម្រាប់អ្នកប្រកបរបររកស៊ីជួញដូរនៅថ្ងៃនេះវិញមិនថាផ្លូវគោកផ្លូវទឹកឬផ្លូវអាកាសក្តីទោះលោកអ្នកខិតខំប៉ុនណាបានត្រឹមមួយទប់ទល់ហើយបើឱ្យសល់ធំដុំនោះគ្មានឡើយ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកើតមានការចាប់កំហុសនិងយកភាពប្រចែប្រច័ណ្ឌដាក់ខ្លួននាំឱ្យកើតការរកាំចិត្តចំពោះគ្នាច្រើន ៕
ឆ្នាំមមី
រាសីល្អជាមធ្យម។ នៅថ្ងៃនេះដំណើរជីវិតល្អប្រសើរគួរសម ហេតុនេះបើលោកអ្នកអាចដំណើរការងារទាក់ទងនឹងបញ្ហាប្រាក់កាសពីព្រោះនឹងផ្តល់ផលឆ្លើយតបមកវិញគ្រាន់ជាទីពេញចិត្តជានិច្ច។ការរស់នៅមានភាពសុខដុមនិងមានជោគជ័យ។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញទោះលោកអ្នកជួញទីជិតឆ្ងាយមិនថាផ្លូវគោក ផ្លូវទឹក ក្តីតែងហុចផ្លែផ្កាមកវិញគ្រាន់ជាទីកក់ក្តៅផងដែរ។
រីឯមនោសញ្ចេតនាបញ្ហាសេចក្តីស្នេហាប្រុសស្រីមានភាពសោះកក្រោះបន្តិចព្រោះតែម្នាក់ៗប្រកាន់ចិត្តខ្លាំងរៀងៗខ្លួន៕
ឆ្នាំមមែ
រាសីខ្ពស់ត្រដែត។ ថ្ងៃនេះលោកអ្នកអាចមានដំណឹងល្អ គួរឱ្យសប្បាយចិត្តថែមទៀត។សម្រាប់ការប្រកបការងារឃើញថាជឿនលឿនទៅមុខនិងហុចផ្លែផ្លាមកវិញគ្រាន់ជាទីពេញចិត្តផង។សម្រាប់អ្នកប្រកបរបររកស៊ីជួញដូរនៅពេលនេះត្រូវរួសរាន់ពីព្រោះថាបើលោកអ្នកខិតខំច្រើនប៉ុនណាផលដែលទទួលបានក៏តែងឆ្លើយតបច្រើនទៅតាមនោះផង។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានភាពស្រស់ស្រាយនិងផ្អែមល្ហែមគួរសម៕
ឆ្នាំវក
រាសីល្អជាមធ្យម។ ថ្ងៃនេះក្នុងរង្វង់គ្រួសារលោកអ្នកត្រូវតែចេះអត់ឱនឱ្យគ្នាទើបមានភាពសុខដុមនិងប្រាក់កាសមិនសូវហូរធ្លាយចេញ។អ្នកប្រកបរបររកស៊ីជួញដូរជួបរឿងចំណាយធំឯផលកម្រៃនោះហូរចូលមានកម្រិតធ្វើឱ្យរែកពន់ភាពលំបាកលំបិនមិនស្ទើរដែរទេ។ក្នុងពេលនេះដែរបើលោកអ្នកមានដំណើរកម្សាន្តផ្សេងៗកុំគប្បីសេពគប់គ្រឿងស្រវឹងព្រោះងាយកើតរឿងរាវអាក្រក់ណាស់ហើយស្រួលមិនស្រួលកើតជាជម្លោះវិវាទកាប់ចាក់គ្នាឈានដល់ការប្តឹងផ្តល់អស់ប្រាក់កាសទៀតផង។
រីឯមនោសញ្ចេតនាបញ្ហាស្នេហាកំលោះក្រមុំមានដំណើរថយក្រោយជួនទាស់ទែងនិងជួនត្រូវរ៉ូវ៕
ឆ្នាំរកា
រាសីខ្ពស់ត្រដែត។នៅថ្ងៃនេះដោយសារដួងរាសីឡើងខ្ពស់ ហេតុនេះលោកអ្នកអាចសម្រុកពេញទីបានហើយពីព្រោះថាផលល្អៗតែងឆ្លើយតបមកវិញជានិច្ច។ចំពោះអ្នកប្រកបការងាររាជការឬក្រុមហ៊ុនឯកជនបើលោកអ្នកមានគម្រោងឬចង់ធ្វើអ្វីមួយគួររួសរាន់ពីព្រោះផ្លែផ្កាដែលទទួលបានមកវិញគួរជាទីកក់ក្តៅ។អ្នកអាជីវករមានការលូតលាស់ទៅមុខគួរសម ហើយការរកផលកម្រៃទៀតសោតគ្រាន់បានមួយកក់ក្តៅ។
រីឯមនោសញ្ចេតនាសម្ព័ន្ធស្នេហាប្រុសស្រីបើមានរៀបអាពាហ៍ពិពាហ៍ឬចូលស្តីដណ្តឹងជាឱកាសល្អប្រពៃបំផុត៕
ឆ្នាំច
រាសីខ្ពស់ត្រដែត។ ក្នុងថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយរាល់ការប្រកបការងារងាយទទួលផលឆ្លើយតបមកវិញផង។អ្នកប្រកបរបររកស៊ីជួញដូរវិញផ្តល់ផលល្អចំពោះការចរចា,ការបណ្តាក់ទុនឬការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯបញ្ហាសេចក្តីស្នេហាកំលោក្រមុំមានការរីកលូតលាស់និងផ្អែមល្ហែមប្រពៃ៕
ឆ្នាំកុរ
រាសីស្រុតចុះ។ នៅថ្ងៃនេះបើទោះបីធ្វើអ្វីត្រូវមានចិត្តត្រជាក់នោះផលអាក្រក់នឹងត្រូវរលត់រលាយឬចាកចេញឆ្ងាយទៅវិញជាក់ជាពុំខាន ។ចំណែកអ្នកប្រកបរបររកស៊ីជួញដូរវិញដោយសារដួងរាសីដាំក្បាលចុះ ម្ល៉ោះហើយការចេញធ្វើជំនួញទីជិតឆ្ងាយគឺមានការជួបបញ្ហាលំបាកក្នុងការរកផលចំណូលនិងកើតការរកាំរកូសច្រើនផង។
រីឯមនោសញ្ចេតនាបញ្ហាសេចក្តីស្នេហាប្រុសស្រីត្រូវចេះរក្សាកិត្តិយសកុំភ្លើតភ្លើនខុសរបៀបនាំខូចអស់កេរ្តិ៍ឈ្មោះវង្សត្រកូល៕