ភ្នំពេញ : បុគ្គលិកក្រុមហ៊ុនប្រមាណ១០៦នាក់ ធ្វើការតវ៉ាសុំអន្តរាគមន៍ជួយរកដំណោះស្រាយ បើកប្រាកខែ ដែលក្រុមហ៊ុនបញ្ឈប់ការងារមុនកិច្ចសន្យា និងស្នើបញ្ជូលឈ្មោះទាំង១០៦នាក់ ឲ្យទៅបម្រើការងារកន្លែងថ្មីផងដែរ នាព្រឹកថ្ងៃទី២៨ ខែ មករា ឆ្នាំ ២០២០ នៅចំណុច នៅខាងមុខក្រុមហ៊ុនស៊ីនទ្រី អាគារលេខ ៤៤២D ផ្លូវព្រះមុនីវង្ស សង្កាត់ទន្លេបាសាក់ ខណ្ឌចំការមន ។
ប្រភពព័ត៌មានពីបុគ្គលិកស៊ីនទ្រី បានឲ្យដឹងថា ក្រុមគាត់សុំតែ ២ចំណុចទេ ដែលតំណាងឲ្យបុគ្គលិកជាង១០០នាក់ ដែលក្រុមហ៊ុនស៊ីនទ្រីបញ្ឈប់ ។ ក្នុងនោះ សុំបើកប្រាក់ខែ ប្រាក់បញ្ឈប់ពីការងារ ប្រាក់បំណាច់ឆ្នាំ ប្រាក់សព្វបែបយ៉ាងដែលក្រសួងការងារ បានបំពេញឲ្យនោះ ។ សុំទៅបម្រើការងារនៅក្រុមហ៊ុន ដែលបង្កើតឡើងដោយសាលារាជធានីភ្នំពេញ ទាំង ១០៦នាក់វិញ ។ ប៉ុន្តែបើមិនបានទេ គឺពួកគាត់ធ្វើការតវ៉ានៅមុខក្រុមហ៊ុនរៀងរាល់ថ្ងៃតែម្តង ហើយសូមបញ្ជាក់ផងដែរ ការតវ៉ានេះជាលើទី២ក្រោយពីធ្វើការសម្របសម្រួលមិនត្រូវពីក្រុមហ៊ុន ។
ក្នុងនោះអាជ្ញាធរស្នើឲ្យបងប្អូនជាបុគ្គលិក មិនហាមឃាត់ការតវ៉ាទេនោះ ជាសិទ្ធិបុគ្គល តែសុំឡើងឲ្យផុតពីចិញ្ចើមផ្លូវ តែហាមកុំធ្វើតវ៉ាបិទផ្លូវព្រះមុនីវង្ស គឺជាផ្លូវធំប្រជាពលរដ្ឋផ្សេងទៀត ធ្វើដំណើរឆ្លងកាត់ច្រើនហើយនគរបាលឈរជើងទីតាំងសម្រួលចរាចរណ៍ជៀសវាងការកកស្ទះចរាចរណ៍៕ដោយ៖បញ្ញាស័ក្តិ
