ពោធិ៍សាត់: ពិធីមង្គលការរបស់បុរសខាងលើ ជាមួយកូនក្រមុំ នឹងត្រូវធ្វើទ្បើងនៅថ្ងៃ២ កុម្ភៈ ២០២០ តែប្រែជាបុណ្យសពទៅវិញ ចំណែករោងការក៏រៀបចំរួចរាល់អស់ហើយដែរ ។ បុរសម្នាក់ដែលជិតដល់ថ្ងៃចូលរោងហើយ តែអកុសលបែរជាស្លាប់ចោលគ្រួសារ និង អនាគតប្រពន្ធទាំងអាល័យ ដែលស្ថិតនៅក្រុងពោធិ៍សាត់ ខេត្តពោធិ៍សាត់។
សពមានឈ្មោះ ស្រេង ស្រ៊ន មុខរបរជាងម៉ាស៊ីនត្រជាក់ ដែលរស់នៅក្រុងពោធិ៍សាត់។ ចំណែកខាងស្រីឈ្មោះ ចៅ គន្ធា ស្ថិតនៅសង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។
អាជ្ញាធរមូលដ្ឋាន បានឲ្យដឹងថា នៅមុនពេលកើតហេតុប៉ុន្មានថ្ងៃ អនាគតប្ដីបានប្រាប់ប្រពន្ធថា ចេះតែឈីក្បាល ដោយសារតែធ្លាប់តែដួលម៉ូតូកាលពីលើកមុន និង ធ្លាប់ធ្លាក់ពីកន្លែងខ្ពស់ពេលដំឡើងម៉ាស៊ីនត្រជាក់ រហូតដល់ថ្ងៃកើតហេតុក៏បានស្លាប់ ដែលធ្វើឲ្យរោងការប្រែក្លាយជាបុណ្យសពទៅវិញ៕ ដោយ៖បញ្ញាស័ក្តិ
