ចំនួនអ្នកស្លាប់ដោយសារវីរុសកូរ៉ូណា បានកើនឡើងដល់ចំនួន ២៥៩នាក់នៅក្នុងប្រទេសចិន ខណៈតួលេខអ្នកឆ្លងមានចំនួនសរុប ១១.៩៤៦ទូទាំងពិភពលោក។
អ្នកស្លាប់ភាគច្រើន គឺស្ថិតនៅក្នុងទីក្រុងវូហាន ខេត្ត ហូប៉ី ដែលជាកន្លែងផ្ទុះវីរុសមរណៈនេះ។
ចំណែកអ្នកជាសះស្បើយ មានចំនួន ២៥៩នាក់។
សូមបញ្ជាក់ថា កាលពីថ្ងៃព្រហស្បតិ៍កន្លងទៅនេះ អង្គការសុខភាពពិភពលោក បានប្រកាសគ្រោះអាសន្នជាសកល ជុំវិញវីរុសមរណៈដែលផ្ទុះចេញពីចិន និងបានរីករាលដាល់ទៅកាន់តំបន់ និងប្រទេសជាង ២០ទូទាំងពិភពលោក៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia