ខេត្តមណ្ឌលគិរី ៖ សមត្ថកិច្ចស្ថាប័នពាក់ព័ន្ធ នៃរដ្ឋបាលខេត្តមណ្ឌលគិរី បានឲ្យដឹងថា ដើមខែកុម្ភៈឆ្នាំ២០២០នេះ សមត្ថកិច្ចចម្រុះស្រុកកែវសីមា បានបន្តចុះបង្ក្រាបបទល្មើសឈើ ដែលបង្ក្រាបមិនចេះអស់ ចាប់តាំងពីក្រុមលេខាធិការដ្ឋានស្រុកកែវសីមា បង្កើតឡើងតាំងពីពាក់កណ្ដាលខែកញ្ញា ឆ្នាំ២០១៩មក។
ជាក់ស្តែងនៅព្រឹកថ្ងៃអាទិត្យ ទី២ ខែកម្ភៈ ឆ្នាំ២០២០នេះ សមត្ថកិច្ចវានឃាត់រថយន្តដឹកឈើមួយគ្រឿងទៀត ដែលគេសង្ស័យថា អ្នកដឹកឈើនោះ ជាមុខសញ្ញាចាស់។
សមត្ថកិច្ចឲ្យដឹងថា ចាប់តាំងពីក្រុមលេខាធិការដ្ឋានស្រុកកែវសីមា បង្កើតឡើង គឺ មន្ត្រីសមត្ថកិច្ចស្ថាប័នជំនាញពាក់ព័ន្ធ បានធ្វើការបង្ក្រាបបទល្មើសឈើបានជាច្រើនករណី ប៉ុន្តែជាករណីតូចៗ ដែលប្រើប្រាស់ម៉ូតូកែច្នៃ និងមានរថយន្តតូចៗ ប៉ុន្តែត្រូវសមត្ថកិច្ចទប់ស្កាត់បានជាបន្តបន្ទាប់មកនេះ៕ ដោយ៖ ដែន សីមា