ភ្នំពេញ៖ បុរសម្នាក់ជាជាងឡានវ័យក្មេងម្នាក់បានស្លាប់ និងស្ត្រីម្នាក់របួសធ្ងន់ ខណៈបុរសអ្នកបើកបរ និងនារីម្នាក់ទៀតរបួសស្រាល ក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់នេះ នៅលើកំណាត់ផ្លូវ៦០ម៉ែត្រ ជិតផ្លូវបេតុង(ក្រោយផ្សារក្រមួន) ក្នុងសង្កាត់ចាក់អង្រែក្រោម ខណ្ឌមានជ័យ កាលពីរំលងអធ្រាត្រចូលថ្ងៃទី៣ ខែកុម្ភៈ ២០២០នេះ។
គ្រោះថ្នាក់ចរាចរណ៍ បង្កឡើងដោយរថយន្ត LEXUS GS300 ស៊េរីទំនើប ពាក់ផ្លាកលេខភ្នំពេញ 2BC-6479 បើកបោះពួយក្នុងល្បឿនលឿន ស្រាប់តែផ្ទុះបែកកង់មុខ ធ្វើឲ្យរេចង្កូតទៅបុកបង្គោលភ្លើងបំភ្លឺផ្លូវពេញទំហឹង បាក់ទ្រេតរបើកទាំងគល់ ហើយខ្ទាតបើងរថយន្តក្រឡាប់ផ្កាប់ផ្ងារជាច្រើនជុំ ផ្ទុះពោងសុវត្ថិភាពទាំងអស់ ដាច់ទាំងកង់រថយន្ត រងការខូចខាតខ្ទេចយ៉ាងដំណំ៕ ដោយ៖កូឡាប