ចំនួនអ្នកស្លាប់ដោយសារតែវីរុសកូរ៉ូណា បានកើនឡើងដល់ចំនួន ៣៦២នាក់ ខណៈដែលការឆ្លងមានចំនួន ១៧.៣១៨ករណី។
ក្នុងចំណោមអ្នកស្លាប់សរុប មាន ៣៦១នាក់ស្លាប់នៅក្នុងប្រទេសចិន ខណៈដែលអ្នកជំងឺម្នាក់ទៀតស្លាប់ នៅក្នុងប្រទេសហ្វីលីពីន។ នេះបើតាមអង្គការសុខភាពពិភពលោក។
អ្នកស្លាប់ភាគច្រើនគឺស្ថិតនៅក្នុងទីក្រុងវូហាន ខេត្ត ហូបេ ដែលជាកន្លែងផ្ទុះវីរុសមរណៈនេះ។
ចំណែកអ្នកដែលជាសះស្បើយពីវីរុសនេះ មានចំនួនសរុប ៤៨៧នាក់។
ចំនួនអ្នកស្លាប់ និងឆ្លងមានការកើនឡើងខ្លាំងជារៀងរាល់ថ្ងៃ ដែលវាគឺជាការព្រួយបារម្ភសម្រាប់ពិភពលោកទាំងមូល ហើយកាលពីពេលថ្មីៗនេះ អង្គការសុខភាពពិភពលោក បានប្រកាសអាសន្នជាសកលចំពោះវីរុសមរណៈនេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ Johns Hopkins CSSE
