ភ្នំពេញ៖ លោក សុខសុវណ្ណ វឌ្ឍនាសាប៊ុង ហៅវិល្លាម បានឲ្យដឹងនៅថ្ងៃទី ០៤ ខែកុម្ភៈ ឆ្នាំ ២០២០នេះថា បញ្ហាផ្លូវថ្នល់ ក្រោមសមត្ថកិច្ចរបស់ក្រសួងសាធារណការ លោកនឹងលើកឡើងដេញដោល តស៊ូមតិ ឲ្យយោបល់ស្ថាបនាក្នុងកិច្ចប្រជុំរបស់ឧត្តមក្រុមប្រឹក្សាពិគ្រោះ និងផ្ដល់យោបល់ជាមួយក្រសួងសាធារណ និងដឹកជញ្ជូននាថ្ងៃស្អែក ដែលត្រូវនឹងថ្ងៃទី ០៥ ខែកុម្ភៈ នេះ នៅវិមានសន្តិភាព ។
លោកបានគូសបញ្ជាក់ថា បញ្ហាផ្លូវថ្នល់នេះរួមមាន ផ្លូវថ្នល់ពុំមានគុណភាព , អំពេីកិបកេងក្នុងការសាងសងផ្លូវថ្នល់បញ្ហា , ធ្វេីផ្លូវមុខខូចផ្លូវក្រោយ, ការធ្វេីផ្លូវរួចបានកាយផ្លូវដាក់លូ , បញ្ហាឡានដឹកលេីសទម្ងន់បំផ្លាញផ្លូវបំផ្លាញប្រយោជន៍សាធារណៈដេីម្បីចំណេញតែក្រុមហ៊ុនមួយ និងបញ្ហាមួយចំនួនទៀតក្រោមសមត្ថកិច្ចនៃការគ្រប់គ្រងរបស់ក្រសួងសាធារណការ និងដឹកជញ្ជូន ៕ ដោយ៖កូឡាប