ភ្នំពេញ៖ លោកពេជ្រ ស្រស់ ប្រធានគណបក្សយុវជនកម្ពុជា នៅយប់ថ្ងៃទី៥ កុម្ភៈ ២០២០ បានឲ្យដឹងថា បើទោះបីជាមានលោក Ben រាប់ពាន់នាក់ទៀតក៏ការពារមិនអោយបាត់បង់ព្រៃឈើបានដែរ បើសិនប្រជាពលរដ្ឋខ្មែរខ្លួនឯងមិនយល់អំពីតម្លៃព្រៃឈើនិងរដ្ឋាភិបាលកម្ពុជាមិនមាននូវវិធានការច្បាស់លាស់ក្នុងការដាក់ទណ្ឌកម្មលើអ្នកបំផ្លាញព្រៃឈើនោះ…ពីព្រោះថារដ្ឋាភិបាលអនុវត្តន៍ច្បាប់តែលើជនគ្មានឥទ្ធិពល និងគ្មាននូវអំណាច តែ ប៉ុណ្ណោះ ចំពោះអ្នកមានអំណាចគឺគេមានអាជ្ញាប័ណ្ណកាប់ព្រៃឈើ…ហើយ
បើជាប់ទោសគឺជាប់តែមួយភ្លែត….។
លោកបានថ្លែងថា ខ្ញុំបានឮ សម្តេចតេជោ បានប្រកាសយ៉ាងដាច់អហង្ការ ឲ្យដាក់ទោសអ្នកបំផ្លាញព្រៃឈើ ប៉ុន្តែឈើនៅតែកាប់ហើយអ្នកកាប់ឈើនៅតែរួចខ្លួន មិនដឹងថា ថ្នាក់ក្រោមសម្តេចតេជោបានអនុវត្តន៍បទបញ្ជារសម្តេចតេជោឬទេ?
ខ្ញុំសង្ឃឹមថា ប្រទេសកម្ពុជា នឹងអាចប្រយុទ្ធប្រឆាំងឈ្នះពួកបំផ្លាញនូវព្រៃឈើផងចុះ។
លោកតាន់ គឹមសួរ បានថ្លែងសារអាណិតលោកបេន ដែលនាំប្រពន្ធកូន មករស់នៅស្រុកខ្មែរ ដើម្បីការពារ និងអភិរក្សព្រៃឈើដែលត្រូវក្រុមមួយក្តាប់តូចកំពុងបំផ្លិចបំផ្លាញនោះថា បេនអើយ ទៅស្រុកលោកវិញទៅ លោកការពារមិនឈ្នះទេ។
លោកតាន់ គឹមសួរ នៅថ្ងៃទី៥ ខែកុម្ភៈ ឆ្នាំ២០២០នេះ បានបង្ហោះសារថា “អរគុណដែលខំប្រឹងដុត អរគុណដែលខំប្រឹងកាប់ទន្ទ្រាន អរគុណ ដែលអាជ្ញាធ ររុញច្រានបញ្ហាទាំងនេះដា ក់គ្នាដោយគ្មានអ្នកណាទទួលខុសត្រូវ អរគុណគ្រប់យ៉ាងដែល បានផ្តល់ឲ្យភ្នំត្នោត។ បេនអើយ ទៅស្រុកលោកវិញទៅ លោកតែឯងការពារមិនឈ្នះទេ គ្មានអ្នកណារវល់ជាមួយលោកទេ ប្រយ័ត្នសូម្បីតែអាយុជិវិតក៏ រក្សាមិនបាន នាំប្រពន្ធកូនត្រឡប់ទៅស្រុកវិញទៅ ខ្ញុំហត់ជំនួសលោកណាស់។
លោកបេន (Ben Davis) គឺជាជនជាតិអាមេរិកាំង ដែលមានភរិយា និងកូន២នាក់ បានសម្រេចចិត្តម ករស់នៅស្រុកខ្មែរ ដើម្បីការពារអ ភិរក្សព្រៃឈើ នៅស្រុកខ្មែរ រយៈពេល ២០ឆ្នាំមក ហើយ ដោយប្រើប្រាស់ថវិកា លោកផ្ទាល់ ហើយលោកសង្ឃឹម ថាប្រជាជនកម្ពុជាទាំង អស់នឹងយល់ពី តម្លៃនៃការលះបង់នេះ ហើយនាំគ្នាចូលរួម ថែរក្សាព្រៃឈើរ ហើយឈប់កាប់បំផ្លាញព្រៃឈើតទៅទៀតទៅ៕ ដោយ៖កូឡាប
