ភ្នំពេញ៖ ឃាតករម្នាក់ ជានាយទាហាន នៅអង្គភាព ង៧០ មានឋានន្តរសក្តិវរសេនីយ៍ត្រី ក្រោយបាញ់សម្លាប់សង្សារខ្លួនឯងជានិស្សិតពេទ្យ បានរត់គេចខ្លួនបាត់រហូតមកដល់ថ្ងៃទី៦ខែកុម្ភៈនេះ សមត្ថកិច្ចមិនទាន់ចាប់ខ្លួនបាននៅឡើយ ខណៈពេល លោកពេជ្រ ស្រស់ បានអះអាងថា ខ្ញុំមិនចង់លូកមាត់កិច្ចការជំនាញរបស់កម្លាំងនគរបាលយុត្តិធម៌នោះទេ ប៉ុន្តែបើខ្ញុំមិននិយាយ គឺវាតឹង
ក្នុងទ្រូងខ្ញុំស្ទើរបែកហើយ ពីព្រោះការអនុវត្តច្បាប់មិនតម្លាភាព គឺបង្កើតឲ្យមានភាពអយុត្តិធម៌កើតឡើងលើជនរងគ្រោះ។
លោកពេជ្រ ស្រស់ ប្រធានគណបក្សយុវជនកម្ពុជា និងជាសមាជិកក្រុមប្រឹក្សាពិគ្រោះនិងផ្តល់យោបល់ នៅថ្ងៃទី6 ខែកុម្ភៈឆ្នាំ 2020 បានសរសេរសារបង្ហោះតាមគណនីហ្វេសប៊ុកថា “ការពិតទៅ ខ្ញុំមិនចង់លូកមាត់កិច្ចការជំនាញរបស់កម្លាំងនគរបាលយុត្តិធម៌នោះទេ ប៉ុន្តែបើខ្ញុំមិននិយាយ គឺវាតឹងក្នុងទ្រូងខ្ញុំស្ទើរបែកហើយ ពីព្រោះការអនុវត្តច្បាប់មិនតម្លាភាព គឺបង្កើតឲ្យមានភាពអយុត្តិធម៌កើតឡើងលើជនរងគ្រោះ និង សង្គមជាតិទាំងមូលតែម្តង ហើយករណីឃាតកម្មប្រើអាវុធ
លើគូរដណ្តឹងនេះ គឺជាអំពើឃោរឃៅព្រៃផ្សៃខ្លាំងណាស់ នឹងឆ្លុះបញ្ចាំងពីការប្រើប្រាស់អាវុធដោយសេរី គ្មានច្បាប់ទម្លាប់ត្រឹមត្រូវ ដូច្នេះមន្រ្តីនគរបាលយុត្តិធម៌មិនគួរបណ្តោយឲ្យជនល្មើសនៅក្រៅច្បាប់យូរយ៉ាងនេះទេវាធ្វើឲ្យពលរដ្ឋខ្មែរខ្វះភាពកក់ក្តៅលើ
ការអនុវត្តច្បាប់ និង សន្តិសុខផ្ទាល់ខ្លួនរបស់ពួកគាត់ ដោយហេតុថាការបណ្តោយឲ្យឃាតករមានសេរីភាព ដូច
ព្រលែងខ្លាឲ្យដើរក្នុងភូមិមនុស្សកំពុងតែរស់នៅអញ្ចឹងឯង។ រូបខ្ញុំមិនជឿថាកម្លាំងនគរបាលយុត្តិធម៌អសមត្ថភាពចាប់ឃាតករនោះទេ ពីព្រោះមុខមាត់ និងអត្តសញ្ញាណរបស់ឃាតករគឺបានបង្ហាញជាសាធារណៈហើយ ចុះហេតុអ្វីបានជាចាប់មិនបានទៀតឬឃាតករ
មានអ្នកតាមានឬទ្ធិមកបំបាំងកាយ.?”។
លោកប្រធានគណបក្សរូបនោះ បានបញ្ជាក់ថា “ជាថ្មីម្តងទៀតខ្ញុំសូមស្នើដល់ឯកឧត្តមនេត សាវឿន សូមពន្លឿនការចាប់ខ្លួន
ឃាតករមកដាក់ទោសតាមច្បាប់ឲ្យឆាប់រហ័សផង ដើម្បីផ្តល់ភាពកក់ក្តៅដល់ប្រជាពលរដ្ឋខ្មែរនិងធានាឲ្យបាន
ការអនុវត្តច្បាប់តម្លាភាព និងយុត្តិធម៌ព្រមទាំងផ្តល់ភាពយុត្តិធម៌ដល់ជនរងគ្រោះ និងគ្រួសារជនរងគ្រោះផងដែរ”។
សូមបញ្ជាក់ថា និស្សិតពេទ្យ ស្រស់ស្អាតម្នាក់ ត្រូវបានបុរសជាសង្សារ បាញ់សម្លាប់ បង្កការភ្ញាក់ផ្អើល កាលពីម៉ោង ១២និង១០ យប់រំលងអធ្រាត្រ ឈានចូល ថ្ងៃទី១៧ ខែមករា ឆ្នាំ២០២០ នៅចំណុច ផ្ទះលេខH-03 ផ្លូវលំBT ក្នុងបុរី រំចេក
អូឌឹម សង្កាត់កន្ទោក ខណ្ឌកំបូល រាជធានីភ្នំពេញ ។
សមត្ថកិច្ចបានបន្តថា ជនរងគ្រោះ មានឈ្មោះ ជុន ឌីណា ភេទស្រី អាយុ ២៦ ឆ្នាំ ជានិសិត្សពេទ្យ នៃវិទ្យាស្ថាន វិទ្យាសាស្ត្រ អាស៊ី និងជា អ្នកលក់ គ្រឿងសំអាង អនឡាញ ម្នាក់ ស្នាក់នៅ ផ្ទះកើតហេតុខាងលើ បានស្លាប់ ពេលបញ្ជូន ទៅសង្គ្រោះ នៅឯមន្ទីរពេទ្យ បានត្រឹមពាក់កណ្តាលផ្លូវ។ ចំណែកជនសង្ស័យឈ្មោះ យឺន វណ្ណដេត អាយុប្រហែល៣០ឆ្នាំ ជានាយទាហាន នៅអង្គភាព ង៧០ មានឋានន្តរសក្តិវរសេនីយ៍ត្រី ក្រោយបាញ់សម្លាប់សង្សារខ្លួនឯងជានិស្សិតពេទ្យ និងប្រកបរបរលក់ឡេតាមអនទ្បាញ ចំនួន២គ្រាប់ ហើយបានបាត់បង់ជីវិតពេលបញ្ជូនទៅដល់មន្ទីរពេទ្យ ហើយរត់គេចខ្លួនបាត់នោះ បានឆ្លៀតឱកាសបង្ហោះសារតាមហ្វេសប៊ុកថា ជាតិនេះ បងខុសធ្ងន់ណាស់ សូម្បីមនុស្សដែលខ្ញុំស្រឡាញ់ ក៏ថែរក្សាមិនបាន។ បងនឹងខំធ្វើបុណ្យឧទ្ទិសកុសលជូនអូន៕ដោយ៖កូឡាប
