ចិនបាននិយាយនៅថ្ងៃព្រហស្បតិ៍នេះថា ខ្លួននឹងធ្វើការកាត់ពន្ធពាក់កណ្តាលលើទំនិញនាំចូលពីអាមេរិច ដែលមានតម្លៃ ៧៥ពាន់លានដុល្លារចាប់ពីថ្ងៃទី ១៤ ខែកុម្ភៈ។ ការប្រកាសបែបនេះរបស់ចិន កើនឡើងតែមួយខែប៉ុណ្ណោះ ក្រោយពេលអាមេរិច និងចិនបានចុះហត្ថលេខាលើកិច្ចព្រមព្រៀងពាណិជ្ជកម្ម។
ការកាត់បន្ថយនោះនឹងត្រូវអនុវត្តទៅលើពន្ធ ៥ភាគ និង ១០ភាគរយ ដែលចិនបានដាក់ទៅលើទំនិញអាមេរិចជាង ១៧.០០០កាលពីខែសីហា។
ផលិតផលដែលចិនបានដាក់ពន្ធ ១០ភាគរយរួមមានផលិតផលគ្រឿងសមុទ្រ បសុបក្សី និងសណ្តែកសៀង។
ការប្រកាសកាត់ពន្ធពាក់កណ្តាលនេះរបស់ចិននេះ មានគោលបំណងបង្កើនការអភិវឌ្ឍន៍ប្រកបដោយស្ថេរភាព និងសុខភាពរវាងសេដ្ឋកិច្ចចិន និងអាមេរិច និងទំនាក់ទំនងពាណិជ្ជកម្ម។ នេះបើតាមការបញ្ជាក់របស់គណៈកម្មការពន្ធក្រុមប្រឹក្សារដ្ឋ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
