ភ្នំពេញ៖ អធិការដ្ឋាននគរបាលខណ្ឌ៧មករា បានឲ្យដឹងថា នគរបាលចាប់ខ្លួនបុរសម្នាក់ ករណីលួចកញ្ចក់រថយន្ត នៅថ្ងៃទី៥ ខែកុម្ភៈ ឆ្នាំ២០២០ វេលាម៉ោង២៣និង៣០នាទី ត្រង់ចំនុច មុខផ្ទះលេខ ១៩៣អឺ០ ផ្លូវ២១៧ ភូមិ ៣ សង្កាត់អូឬស្សី៣ ខណ្ឌ៧មករា។
សង្ស័យឈ្មោះ សុខ សុភ័ណ្ឌ ភេទប្រុស អាយុ ៣៨ឆ្នាំ មុខរបរសន្តិសុខផ្សារ សូរិយ៉ាម៉ល មានទីលំនៅមិនពិតប្រាកដ ត្រូវបានឃាត់ខ្លួនពិនិត្យទឹកនោមមានសារធាតុញៀន។
ជនរងគ្រោះម្ ឈ្មោះ គ្រុយ ចំរើន ភេទ ប្រុស អាយុ ៣៣ឆ្នាំ មុខរបរអ្នកបើកបររថយន្ត មានទីលំនៅ ផ្ទះកើតហេតុខាងលើ ។
វត្ថុតាង និង សម្ភារចាប់យកពីជនសង្ស័យរួមមាន កញ្ចក់រថយន្តរបស់ជនរងគ្រោះចំនួន ២ ដែកសម្រាប់ឆ្កឹះសោចំនួន ៤ សរសៃ ទួណឺវិសចំនួន២ ម៉ូតូជិះធ្វើសកម្មភាពចំនួន ១ គ្រឿង មួកកាសពណ៌ចំនួន ១ ។
ចំពោះកញ្ចក់រថយន្តសមត្ថកិច្ច បានប្រគល់ឲ្យជនរងគ្រោះវិញហើយ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការរដ្ឋាននគរបាលខណ្ឌ ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់កាតាមនីតិវិធីច្បាប់៕ដោយ៖កូឡាប
