ខេត្តស្វាយរៀងៈ លោក ម៉ែន វិបុល អភិបាលខេត្តស្វាយរៀង អមដំណើរដោយលោកអភិបាលរងខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលក្រុងបាវិត លោកនាយកទីចាត់ការហិរញ្ញវត្ថុសាលាខេត្ត នៅថ្ងៃទី៩ ខែកុម្ភៈ ឆ្នាំ២០២០នេះ បានអញ្ជើញចុះពិនិត្យមើលវឌ្ឍនភាព នៃការអភិវឌ្ឍក្រុងបាវិតរួមមាន៖
១-ពិនិត្យមើលការសាងសង់ផ្លូវវាងសម្រាប់ឡានកុងទឺន័រដឹកទំនិញចេញចូល និងទីតាំងត្រួតពិនិត្យកុងទឺន័ររួមគ្នា នៅទីតាំងឆ្លងកាត់ព្រំដែនរវាងប្រទេសកម្ពុជា និងវៀតណាម ។
២-ពិនិត្យមើលដំណើរការអភិវឌ្ឍន៍នៅតំបន់ព្រំដែនបង្គោលលេខ ១៦៤-១៦៥។
៣-ពិនិត្យមើលការស្ថាបនាផ្លូវចាក់បេតុង ដែលកំពុងដំណើរការនៅផ្លូវសំខាន់ៗមួយចំនួនក្នុងក្រុងបាវិត។
៤-ពិនិត្យមើលទីតាំងប្រព័ន្ធលូរំដោះទឹកកខ្វក់។
៥- ពិនិត្យមើលដំណើរការសាងសង់សាលាសង្កាត់ ប៉ុស្តិ៍រដ្ឋបាលក្រុងបាវិត និងមូលដ្ឋានកងរាជអាវុធហត្ថក្រុងបាវិត ដែលកំពុងសាងសង់សម្រេចបានប្រមាណ៦០% ។
សូមជម្រាបជូនថា ក្នុងអាណត្តិដឹកនាំរបស់លោក ម៉ែន វិបុល អភិបាលខេត្តស្វាយរៀង លោកបានដាក់ចេញនូវទិសដៅសំខាន់ៗដែលជាត្រីវិស័យ ក្នុងការអភិវឌ្ឍខេត្តស្វាយរៀង និងជាទិសដៅយុទ្ធសាស្ត្រចតុកោណ របស់រាជរដ្ឋាភិបាលកម្ពុជា៕ ដោយ៖វ៉ៃកូ