ភ្នំពេញ៖ អធិការដ្ឋាននគរបាលខណ្ឌដូនពេញ នៅថ្ងៃទី១០កុម្ភៈនេះ បានបង្ហាញមុខក្រុមចោរឆក់យ៉ាងសកម្មចំនួន ១១នាក់ បន្ទាប់ពីកម្លាំងអធិការខណ្ឌដូនពេញបង្ក្រាបបាន ជាបន្តបន្ទាប់ ។
លទ្ធផលសរុបរយ:ពេល០៤យប់០៥ថ្ងៃ អធិការដ្ឋាននគរបាលខណ្ឌដូនពេញ បានបេីកប្រតិបត្តិការណ៏បង្ក្រាប(កាច់សំបុក) មុខសញ្ញាឆក់សកម្មធ្វេីជាអាជីព បានចំនួន១១នាក់ ម៉ូតូចំនួន០៧គ្រឿង តាមបណ្តាខណ្ឌ ក្នុងរាជធានីភ្នំពេញ ។
ស្តីពីលទ្ធផលបើកការស្រាវជ្រាវ ក្នុងកិច្ចប្រតិបត្តិការណ៏ឈានដល់ការបង្ក្រាប កាច់សំបុកក្រុមឆក់កាបូប និងទូរសព្ទ័ ដែលជាសមាសភាពសកម្មឆក់ធ្វើជាអាជីព ក្នុងភូមិសាស្ត្រខណ្ឌដូនពេញ និងតាមបណ្តាខណ្ឌផ្សេងៗ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ និងលោក សុខ ពេញវុធ អភិបាលនៃគណះអភិបាលខណ្ឌដូនពេញ នៅថ្ងៃទី០៦/០១/២០២០ ក្រោយពីទទួលបានពាក្យបណ្តឹងរបស់ប្រជាពលរដ្ឋ ផ្នែកជំនាញព្រហ្មទណ្ឌ បានជំរុញការស្រាវជ្រាវ កំណត់មុខសញ្ញា រួមនិងមធ្យោបាយធ្វើសកម្មភាព នៅវេលាម៉ោង១៥h៣០នាទីថ្ងៃទី០៦/០២/២០២០ កម្លាំងជំនាញបានបើកការបង្ក្រាបឃាត់ខ្លួនជនសង្ស័យបានចំនួន០២នាក់រួមមាន÷
១/ឈ្មោះ គឹម ស្រេង ភេទប្រុស អាយុ២១ឆ្នាំស្នាក់នៅ ភូមិក្រោលគោ សង្កាត់គីឡូម៉ែតលេខ៦(ឆក់ចំនួន១៣លើក)។
២/ឈ្មោះ ឈឹម ហេងឡុង ភេទប្រុស អាយុ៣០ឆ្នាំ ស្នាក់នៅភូមិក្បាលទំនប់ សង្កាត់ផ្សារដើមថ្កូវ(ឆក់ចំនួន១០លើក)។ ឆ្លងតាមវិធានការជំនាញជាន់យកចម្លើយ នៅយប់ថ្ងៃទី០៨/០២/២០២០ វេលាម៉ោង០១h៥០នាទីរំលងអាធ្រាត សមត្ថកិច្ចយើងបន្តឃាត់ខ្លួនបាន០១ក្រុមទៀត(ក្រុមទី០២)ចំនួន០៣នាក់ ម៉ូតូចំនួន០២គ្រឿង រួមមាន÷
១/ឈ្មោះ រឿន សុផានិត ភេទប្រុស អាយុ១៨ឆ្នាំ ជនជាតិខ្មែរ មុខរបរនឹងទីលំនៅមិនពិប្រាកដ(ឆក់ចំនួន១០លើក)។
២/ឈ្មោះ ស៊ន វាសនា ភេទប្រុស អាយុ១៨ឆ្នាំ មុខរបរ នឹងទីលំនៅមិនពិតប្រាកដ(ឆក់ចំនួន១៥លើក)។
៣/ឈ្មោះ ថោង បញ្ចបាន ភេទប្រុសអាយុ១៨ឆ្នាំ មុខរបរមិនពិតប្រាកដ ទីលំនៅផ្ទះ៥៧ផ្លូវ៤២ ភូមិត្នោតជ្រុំ សង្កាត់បឹងទំពុនខណ្ឌមានជ័យ(ឆក់ចំនួន១១លើក)។ លុះដល់វេលាម៉ោង២៣h៥០នាទីយប់ ថ្ងៃទី០៨/០២/២០២០ កម្លាំងយើងបានឃាត់ខ្លួនជនសង្ស័យចំនួន០៣នាក់បន្ថែមទៀត(ក្រុមទី០៣)រួមមាន÷
១/ឈ្មោះ ជី ពេជ្រវាសនា ភេទប្រុស អាយុ១៨ឆ្នាំ មុខរបរ នឹងទីលំនៅមិនពិតប្រាកដ(ឆក់ចំនួន២០លើក)។
២/ឈ្មោះ គង់ ពុទ្ធា ភេទប្រុស អាយុ១៨ឆ្នាំ មុខរបរនិងទីលំនៅមិនពិតប្រាកដ(ឆក់ចំនួន១៣លើក)។
៣/ឈ្មោះ ផេង សុក្រវីរ: ភេទប្រុស អាយុ១៧ឆ្នាំ មុខរបរ សិស្ស ស្នាក់នៅសង្កាត់បឹងទំពុន ខណ្ឌមានជ័យ(ឆក់ចំនួន១៤លើក)។ដោយនូវតែបន្តវិធានការជំនាញ និងមានកិច្ចសហការដ៏ល្អជាមួយកម្លាំងអធិការដ្ឋាននគរបាលស្រុក ល្វាអែម នៃស្នងការដ្ឋាននគរបាលខេត្តកណ្តាល នៅថ្ងៃទី០៩/០២/២០២០ វេលាម៉ោង១៥h៣០នាទី កម្លាំងយើងបានបន្តស្រាវជ្រាវនិងឃាត់ខ្លួនបក្ខពួកជនសង្ស័យក្រុមទី៤បានចំនួន០៣នាក់បន្ថែមទៀតដែលមានឈ្មោះដូចខាងក្រោម÷
១/ឈ្មោះ វុទ្ធី វណ្ណនុត ភេទប្រុស អាយុ១៧ឆ្នាំ ឃាត់ខ្លួននៅចំណុច ភូមិពាមឧកញ៉ាអុង ស្រុកល្វាអែម ខេត្តកណ្តាល ដែលជនសង្ស័យខាងលើនេះបានធ្វើសកម្មភាព(ឆក់ចំនួន១០លើក)។
២/ឈ្មោះ ពិសិដ្ធ សំណាង ហៅអាពីន ភេទប្រុស អាយុ១៤ឆ្នាំ មុខរបរសិស្ស ស្នាក់នៅផ្ទះលេខ៤៩E៣Z ផ្លូវ១៣៦ សង្កាត់ផ្សារកណ្តាល១ ខណ្ឌដូនពេញ ឃាត់ខ្លួននៅចំណុចមុខផ្ទះ និងបានសារភាពថា ធ្វើសកម្មភាព(ឆក់ចំនួន៤៨លើក)។
៣/ឈ្មោះ សូត្រ រដ្ឋមុនិន្ទ ហៅអា មុ ភេទប្រុស អាយុ ១៤ឆ្នាំ មុខរបរសិស្ស ស្នាក់នៅផ្លូវ៩៣ ភូមិចុងខ្សាច់ សង្កាត់ទួលសង្កែ១ ខណ្ឌឬស្សីកែវ ឃាត់ខ្លួននៅខណ្ឌឬស្សីកែវ និងបានធ្វើសកម្មភាព(ឆក់ចំនួន០៦លើក)។
ដោយឡែកតំបន់និងភូមិសាស្ត្រធ្វើសកម្មភាពរួមមានមុខព្រះបរមរាជវាំង ស្ពាននាគ មុខព្រះគន្លង់វត្តឧត្តនាលោម មុខភោជនីយ៍ដ្ឋានចំប៉ា មុខណាហ្គាវើល ក្រោយផ្សារទួលទំពូង កាហ្វេស្តាបាក សារមន្ទីរទួលស្លែង ផ្លូវប៉ាសស្ទ័រវត្តលង្កាតំបន់បាបរទេស រង្វង់មូលនាងគង្គហីង មុខសាលាបាក់ទូក តំបន់ក្តាន់ពីរ ស្តុបសេរីភាព សណ្ឋានគារស រោងភាពយន្តប្រសាទពេជ្រ ស្ពានអាកាសទិចណូ ស្តុបផ្សារដេប៉ូ ស្តុបឋានសួគ៌ ស្តុបបុរីកីឡា ស្តុបអូឡាំពិក រង្វង់អាងទឹកស្តាតអូឡាំពិក ស្ពានពេទ្យលោកសង្ស រង្វង់ទួលគោកចាស់ មជ្ឍមណ្ឌលម៉ុងឌីយ៉ាល់ផ្សារឃ្លាំងរំសេវ រង្វង់មូលផ្សារដើមគរ ភោជនីយ៍ដ្ឋាន ឡៅទីហ្វាំង តំបន់មានភោជនីយ៍ដ្ឋានភ្ញៀវបរទេសនិងសណ្ឋាគាមានភ្ញៀវបរទេស។
សរុបលទ្ធផលកិច្ចប្រតិបត្តិការណ៍រួមមាន÷ ឃាត់ខ្លួនជនសង្ស័យចំនួន១១នាក់ (០៤ក្រុម) និងមធ្យោបាយ(ម៉ូតូ)ចំនួន០៧ គ្រឿង។
ចំពោះមុខនិងទិសដៅបន្ត អធិការដ្ឋាននគរបាលខណ្ឌដូនពេញ និងប៉ុស្តិ៏ទាំង១១ ជំរុញដល់ការស្រាវជ្រាវបង្ក្រាបមុខសញ្ញា ដែលសេសសល់០៣ក្រុមទៀត នឹងក្រុមដ៏ទៃផ្សេងៗទៀត ដើម្បីកសាងសុំណុំរឿង បញ្ជូនទៅសាលាដំបូង តាមនិតីវិធី៕ ដោយ៖កូឡាប
