ភ្នំពេញ៖ រយៈពេល១០ថ្ងៃហើយ ដែលមន្ត្រីគយមួយរូបដែលគេស្គាល់ថាឈ្មោះ ចាន់ថា ជានាយផ្នែកគយប្រចាំការនៅច្រកអន្តរជាតិត្រពាំងផ្លុង ព្រំដែន កម្ពុជា-វៀតណាម រងការចោទប្រកាន់ថា បានបេីករថយន្តបុកប្រជាពលរដ្ឋស្លាប់ហេីយមិនដោះស្រាយ ហេីយរត់គេចខ្លួនបាត់ ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងនៅយប់ថ្ងៃទី ១ ខែ កុម្ភៈ ឆ្នាំ ២០២០ វេលាម៉ោង ១០និង០០ នាទី នៅចំណុច ភូមិ សេរីសុខុម ឃុំ ត្រពាំងផ្លុង ស្រុក ពញាក្រែក ខេត្តត្បូងឃ្មុំ ។
លោកស្រី ចាន់ ស្រីម៉ាច អាយុ ៣២ឆ្នាំ រស់នៅភូមិ ច្រករំដេង ឃុំ ត្រពាំងផ្លុង ស្រុកពញាក្រែក ខេត្តត្បូងឃ្មុំ ត្រូវជាប្រពន្ធជនរងគ្រោះដែលស្លាប់បានអោយដឹងថា តាំងពីថ្ងៃកេីតហេតុរហូតមកដល់ពេលនេះ មន្ត្រីគយដែលបេីករថយន្តបង្ករហេតុ មិនបានចូលខ្លួនមកដោះស្រាយនៅឡេីយទេ ។
ករណីនេះ ប្រពន្ធជនរងគ្រោះ បានសំណូមពរអោយ សមត្ថកិច្ចខេត្តត្បូងឃ្មុំ ពន្លឿនដោះស្រាយករណីនេះ ដើម្បីរកយុត្តិធម៌អោយជនរងគ្រោះផង ៕កូឡាប