ភ្នំពេញ៖ អធិការដ្ឋាននគរបាលខណ្ឌបឹងកេងកង បានរាយការណ៍ពីករណីលួច (យកទូរស័ព្ទ) នៅចំណុចក្នុងតូបលេខ១០៨C2 ក្នុងផ្សារអូឡាំពិក ផ្លូវ២៨៦ ក្រុមទី១០ ភូមិ២ សង្កាត់អូឡាំពិក ខណ្ឌបឹងកេងកង រាជធានីភ្នំពេញ កាលពីថ្ងៃទី១០ ខែកុម្ភៈ ឆ្នាំ២០២០ វេលាម៉ោង ១២និង៤០នាទី ដោយសមត្ថកិច្ចចាប់ខ្លួនស្រ្តីដៃស្អិតម្នាក់ និងដកហូតទូរស័ព្ទចំនួន២គ្រឿង ប្រគល់ជូនម្ចាស់ដើមវិញ។
ជនសង្ស័យបង្រ្កាបបានឈ្មោះ ម៉េង សុគន្ធារី ភេទស្រី អាយុ២៨ឆ្នាំ ស្នាក់នៅផ្ទះជួលគ្មានលេខ ផ្លូវបេតុង សង្កាត់បឹងសាឡាង ខណ្ឌទួលគោក រាជធានីភ្នំពេញ មុខរបរ បម្រើការក្នុងខារ៉ាអូខេ ។
វត្ថុតាងចាប់យករួមមាន៖ ទូរស័ព្ទ២គ្រឿង (ម៉ាកIphone XS MAS ពណ៌ទឹកមាស លេខស៊ីម092 333 169, ម៉ាកIphone XS MAS ពណ៌ទឹកមាស លេខស៊ីម012 941 955) ចំពោះវត្ថុតាងទូរស័ព្ទ២គ្រឿងខាងលើ បានប្រគល់ទៅឲ្យជនរងគ្រោះវិញតាមការស្នើសុំដោយមានការអនុញ្ញាតពីលោក ស៊ិន វីរៈ ព្រះរាជអាជ្ញារងអមសាលាដំបូងរាជធានីភ្នំពេញ។
ជនរងគ្រោះឈ្មោះ យិន លាង ភេទប្រុស អាយុ៣៩ឆ្នាំ ស្នាក់នៅផ្ទះលេខ ១៤ ផ្លូវលេខ៤ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ មុខរបរមន្រ្ដីរាជការ និងឈ្មោះ សុខ លីន ភេទស្រី អាយុ២៥ឆ្នាំ ស្នាក់នៅផ្ទះលេខ១៩ ផ្លូវ៣៨៤ សង្កាត់ទួលស្វាយព្រៃទី២ ខណ្ឌបឹងកេងកង រាជធានីភ្នំពេញ។
ដំណើររឿង មុនពេលកើតហេតុថ្ងៃទី១០ ខែកុម្ភៈ ឆ្នាំ២០២០ វេលាម៉ោង១២និង១០នាទី ជនសង្ស័យឈ្មោះ ម៉េង សុគន្ធារី ភេទស្រី អាយុ២៨ឆ្នាំ ចេញពីផ្សារអូឫស្សីគោលបំណងមកផ្សារអូឡាំពិក ពេលមកដល់ផ្សារអូឡាំពិកជនសង្ស័យបានឡើងទៅជាន់ទី២ក្នុងផ្សារអូឡាំពិក ដោយបានដើរទៅតូបលក់ខោអាវមួយលេខ១០៨C2 សួររកទិញខោអាវប៉ុន្ដែមិនបានទិញខោអាវឃើញទូរស័ព្ទរបស់ជនរងគ្រោះឈ្មោះ យិន លាង ភេទប្រុស អាយុ៣៩ឆ្នាំ ម៉ាកIphone XS MAS ពណ៌ទឹកមាស លេខស៊ីម 092 333 169 ដែលកំពុងសាកថ្មទុកចោលឈ្លៀកឳកាសល្អជនសង្ស័យក៏បានលួចទូរស័ព្ទនោះ បានសម្រេច រួចដើរចេញបានប្រហែលបន្ដិច ត្រូវជនរងគ្រោះក្រឡេកឃើញទាន់រត់ដេញចាប់បាន ក្រោយមកជនរងគ្រោះក៏បានប្រគល់ជនសង្ស័យឲ្យសន្ដិសុខផ្សារអូឡាំពិក បន្ទាប់មកសន្កិសុខផ្សារអូឡាំពិក ក៏បានបញ្ជូនជនសង្ស័យរួមនិងវត្ថុតាង ប្រគល់ឲ្យសមត្ថកិច្ចប៉ុស្ដិ៍នគរបាលរដ្ឋបាលអូឡាំពិក ដើម្បីសាកសួរតែម្ដង។
ចំពោះជនសង្ស័យខាងលើបានធ្វើសកម្មភាពលួចទូរស័ព្ទមួយគ្រឿងទៀត ពីជនរងគ្រោះឈ្មោះ សុខ លីន ភេទស្រី អាយុ២៥ឆ្នាំ ម៉ាក Iphone XS MAS ពណ៌ទឹកមាស លេខស៊ីម 012 941 955 នៅចំណុចក្នុងតូបលេខ១៤៤ ក្នុងផ្សារអូរឫស្សី ខណ្ឌ៧មករា រាជធានីភ្នំពេញ បន្ទាប់មកជនសង្ស័យក៏បានមកលួចទូរស័ព្ទ ជនរងគ្រោះដែលបានរៀបរាប់ខាងលើ។
បច្ចុប្បន្នជនសង្ស័យត្រូវបានឃាត់ខ្លួន នៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្ដ៕ដោយ៖កូឡាប
