ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department នៅថ្ងៃទី១១ខែកុម្ភៈនេះ បានចេញផ្សាយព័ត៌មាន នៅលើផេកហ្វេសប៊ុកផ្លូវការ ថ្មីៗនេះក្រុមអ្នកស្រាវជ្រាវបានផ្សព្វផ្សាយ ឱ្យអ្នកប្រើប្រាស់ ស្មាតហ្វូនដែលប្រើប្រព័ន្ធប្រតិបត្តិការអេនដ្រយ ធ្វើបច្ចុប្បន្នភាពប្រសិនបើគេកំពុងប្រើប្រាស់ប្រព័ន្ធប្រតិបត្តិការអេនដ្រយ ៨ ឬ ៩ (Android 8 Oreo or Android 9 Pie) ព្រោះជនអនាមិកអាចបញ្ចូលមេរោគ Malware ហើយលួចយកទិន្នន័យរបស់អ្នកប្រើប្រាស់តាមរយៈ Bluetooth ដែលគេឱ្យឈ្មោះថា BlueFrag។
អ្នកស្រាវជ្រាវបានបញ្ជាក់ថាបញ្ហានេះមិនប៉ះពាល់ដល់ ប្រព័ន្ធប្រតិបត្តិការអេនដ្រយ ១០នោះទេ ហើយពួគគេក៏ពុំបានសាកល្បងបញ្ហានេះជាមួយ ប្រព័ន្ធប្រតិបត្តិការអេនដ្រយចាស់ៗជាង អេនដ្រយ៨នោះដែរ។
ដើម្បីការពារពីការលួចយកទិន្នន័យ នាយកដ្ឋានប្រឆាំងបទល្មើសបច្ចេកវិទ្យា សូមឱ្យលោកអ្នកគួរតែធ្វើបច្ចុប្បន្នភាពជាបន្ទាន់ប្រសិនបើ ក្រុមហ៊ុនទូរស័័ព្ទរបស់លោកអ្នកបានធ្វើការកែរសម្រួលទាក់ទងនឹងបញ្ហានេះ តែប្រសិនបើពុំមានការធ្វើបច្ចុប្បន្នភាពទេ លោកអ្នកគួរតែបិទប្រព័ន្ធ Bluetooth ចោលនៅពេលដែលលោកអ្នកពុំត្រូវការប្រើប្រាស់៕ដោយ៖កូឡាប
