ព្រះសីហនុ ៖ សម្តេចតេជោ ហ៊ុន សែន អញ្ជើញស្វាគមន៍ដោយផ្ទាល់ជាមួយអ្នកដំណើរនៅលើនាវាទេសចរណ៍ WESTERDAM ដែលកំពុងចតនៅកំពង់ផែក្រុងព្រះសីហនុ ព្រមទាំងថ្លែងសារទៅកាន់ជនរួមជាតិកម្ពុជា នាព្រឹកថ្ងៃទី១៤ ខែកុម្ភៈ ឆ្នាំ២០២០។
ចំណែកក្រសួងសុខាភិបាលបា បញ្ជាក់ថា លទ្ធផលមន្ទីរពិសោធន៍ផ្លូវការដោយវិទ្យាស្ថាប៉ាស្ទ័រ បញ្ជាក់ថា អវិជ្ជមានដោយមេរោគកូរ៉ូណាវីរុសប្រភេទថ្មីលើអ្នកទេសចរណ៍២០នាក់ ដែលបង្ហាញរោគសញ្ញា លើកប៉ាល់ទេសចរណ៍ Westerdam ។
រាជរដ្ឋាភិបាលកម្ពុជាអនុញ្ញាតឱ្យអ្នកដំណើរទេសចរណ៍ ចេញពីកប៉ាល់ និងធ្វើដំណើរតាមរថយន្តក្រុងឆ្ពោះទៅអាកាសយានដ្ឋានអន្តរជាតិក្រុងព្រះសីហនុ ដើម្បីបន្តជិះយន្តហោះត្រឡប់ទៅមាតុប្រទេសពួកគេរៀងៗខ្លួន ។
ជូនពរអ្នកកដំណើរទាំងអស់ ធ្វើដំណើរប្រកបដោយសុខភាព និងសុវត្ថិភាព .
សម្តេចតេជោ បានថ្លែងថា “”អរគុណសន្តិភាព ជូនពរក្នុងថ្ងៃនៃក្តីស្រឡាញ់។ នៅក្នុងថ្ងៃបុណ្យនៃក្តីស្រឡាញ់ទី ១៤ កុម្ភៈ ២០២០ ព្រឹកនេះ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញធ្វើដំណើរពីភ្នំពេញមកទទួលស្វាគមន៍ និងផ្តល់នូវក្តីស្រឡាញ់អស់ពីបេះដូងដល់បងប្អូនអ្នកទេសចរណ៍ចម្រុះជាតិសាសន៍ ជាងពីរពាន់នាក់ ដែលបានធ្វើដំណើរតាមនាវាទេសចរណ៍ MS Westerdam សហរដ្ឋអាមេរិកដែលមិនត្រូវបានស្វាគន៍ឲ្យចូលចតនៅតាមប្រទេសនិងកោះចំនួន៦រួចមកហើយនោះ ប៉ុន្តែនៅថ្ងៃនេះគឺព្រះរាជាណាចក្រកម្ពុជា បានស្វាគមន៍ទទួលពួកគេដោយក្តីរាក់ទាក់រីករាយ ស្និទ្ធស្នាល កក់ក្តៅ និងស្រឡាញ់ដ៏ជ្រាលជ្រៅបំផុតក្រោមការសម្រេចចិត្តដ៏ត្រឹមត្រូវរបស់ សម្តេចតេជោ ហ៊ុន សែន។ នៅថ្ងៃដ៏ពិសេសនេះ សូមជូនពរដល់បងប្អូនប្រជាពលរដ្ឋទូទាំងប្រទេស ជួបតែសេចក្តីសុខ និងសំណាងល្អទាំងអស់គ្នា”៕ ដោយ៖កូឡាប