ខេត្តស្វាយរៀង៖ ស្ត្រីវ័យ៥៩ឆ្នាំម្នាក់បានរងរបួសធ្ងន់ ខណៈដែលដើរឆ្លងថ្នល់មិនប្រយ័ត្ន ត្រូវម៉ូតូបុកពេញទំហឹង ប៉ើងនិងបណ្តាលដួលម៉ូតូអូសជាង១០ម៉ែត្រ រងរបួសតែម្តង។
ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១៨និង១០នាទីព្រលប់ថ្ងៃទី ១៣ ខែកុម្ភ: ឆ្នាំ ២០២០ នៅលើផ្លូវជាតិលេខ១ ស្ថិតនៅក្នុងភូមិលៀប ឃុំកណ្តៀងរាយ ស្រុក ស្វាយទាប ខេត្តស្វាយរៀង ។
យោងតាមសមត្ថកិច្ចបានឲ្យដឹងថា៖ នៅមុនពេលកើតហេតុមានម៉ូតូមួយគ្រឿង ម៉ាក ហុងដា ឌ្រីម សេ១២៥ ស៊េរីឆ្នាំ២០០៦ ពណ៌ខ្មៅ ពាក់ផ្លាកលេខ ភ្នំពេញ 1U6361 បើកបរដោយឈ្មោះ អ៊ឹង សារុន ភេទប្រុស អាយុ ២៣ឆ្នាំ មុខរបរកម្មកររោងចក្រ បច្ចុប្បន្នរស់នៅភូមិ រមាំងថ្កោល ឃុំ រមាំងថ្កោល ស្រុក ស្វាយទាប ខេត្តស្វាយរៀង រងរបួសស្រាល (ពាក់មួកសុវត្ថិភាព)ធ្វើដំណើរពីទិសដៅពី កើតទៅលិចលុះមកដល់ចំណុចកើតហេតុខាងលើ ស្រាប់តែមានស្ត្រីរងគ្រោះខាងលើ ដើរកាត់ត្បូងទៅជើងជាន់ហ្វ្រាំង មិនជាប់ បណ្តាលឲ្យបុកអ្នកថ្មើរជើងដើរឆ្លងថ្នល់ឈ្មោះ គល់ សាំ ភេទស្រី អាយុ ៥៩ឆ្នាំ មុខរបរកសិករ រស់នៅភូមិ លៀប ឃុំ កណ្តៀងរាយ ស្រុក ស្វាយទាប ខេត្តស្វាយរៀង រងរបួសធ្ងន់ ត្រូវបានសាច់ញាតិបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុកស្វាយទាប ។
ចំណែកឯម៉ូតូ(ខូចខាតស្រាល) បានយកមករក្សាទុកនៅ អធិការដ្ឋាននគរបាលស្រុកស្វាយទាប ដើម្បីរង់់ចាំធ្វើការដោះស្រាយគ្នា នៅពេលក្រោយ ៕ ដោយ៖វ៉ៃកូ