ខេត្តស្វាយរៀងៈក្មេងស្រីជំទង់៣នាក់និងកុមារាម្នាក់ បានរងរបួសធ្ងន់និងស្រាល នៅក្នុងករណីគ្រោះថ្នាក់ចរាចរណ៍ រវាងម៉ូតូនិងអ្នកថ្មើជើងដើរឆ្លងថ្នល់ ដែលហេតុការណ៍ខាងលើនេះ បានកើតឡើងកាលពីវេលាម៉ោង១១និង១៥នាទីព្រឹក ថ្ងៃទី១៤ ខែកុម្ភៈ ឆ្នាំ២០២០ ត្រង់ចំណុចភូមិស្វាយទន្ទឹម ឃុំត្រពាំងស្តៅ ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថាៈ ជនរងគ្រោះទាំង៤នាក់រួមមាន ទី១ ឈ្មោះវន់ នីតា ភេទស្រី អាយុ១៥ឆ្នាំ រស់នៅភូមិត្រពាំងស្គន់ចាស់ ឃុំត្រពាំងស្តៅ ស្រុករមាសហែក ជាអ្នកបើកម៉ូតូ រួមដំណើរ២នាក់គឺ ឈ្មោះសឿន ស្រីហ៊ន់ ភេទស្រី អាយុ១៥ឆ្នាំ រស់នៅភូមិឃុំជាមួយគ្នា និងឈ្មោះស៊ុន ស្រីនិច ភេទស្រី អាយុ១៥ឆ្នាំ រស់នៅភូមិវត្តចាស់ ឃុំត្រពាំងស្តៅ ស្រុករមាសហែក ។ ចំណែកឈ្មោះឆន ដាវីន ភេទប្រុស អាយុ៦ឆ្មាំ រស់នៅភូមិត្រពាំងឈ្នាង ឃុំត្រពាំងស្តៅ ស្រុករមាសហែក ដើរឆ្លងកាត់ផ្លូវចេញពីសាលា។
ប្រភពខាងលើបានបន្តថាៈករណីនេះបណ្ដាលឲ្យគ្រោះ ថ្នាក់មនុស្ស៤នាក់ ប្រុស១នាក់របួសធ្ងន់ គឺឈ្មោះឆន ដាវីន បានបញ្ជូនទៅព្យាបាលនៅមណ្ឌលសុខភាពឃុំត្រពាំងស្តៅ ហើយមូលហេតុ ម៉ូតូប្រើប្រាស់ល្បឿនលឿន ហើយពុំប្រកាន់ស្តាំ ៕ដោយ៖វ៉ៃកូ