តាកែវ៖ ក្រុមហ៊ុនធានារ៉ាប់រង Manulife បានបង្កើតនៅស្នាមញញឹមនិងក្តីសង្ឃឹមដល់សិស្សានុសិស្សចំនួន ៤៥នាក់នៅសាលាបឋមសិក្សាព្រៃឃ្មួញ ឋិតនៅឃុំសោម ស្រុកគីរីវង់ ខេត្តតាកែវ នៅជាប់និងព្រំប្រទល់ប្រទេសវៀតណាម ដែលកំពុងខ្វះខាតសម្ភារៈសិក្សា និងអាគារសិក្សា។ ការចុះចែកនៅសម្ភារៈសិក្សានេះដែរគឺបានធ្វើឡើងកាលពីថ្ងៃទី ១៥ កុម្ភៈ ២០២០ ដែលរួមមានសម្ភារៈ ដូចជាការផ្តល់ជាមធ្យោបាយធ្វើតំណើររបស់សិស្ស កង់ចំនួន ៣២គ្រឿង និងសម្ភារៈសិក្សារៀនសូត្រគ្រប់បែបយ៉ាងលើការសិក្សារបស់ក្មេងៗចំនួន ៤៥នាក់ ដែលកំពុងរៀនថ្នាក់ទី១ ដល់ថ្នាក់ទី ៣ ។
ថ្លែងក្នុងការចុះចែកសម្ភារៈសិក្សាដល់សិស្សក្រីក្រនៅទីជនបទដាច់ស្រយ៉ាលនេះដែរ លោកស្រី កាន់ ណារ៉ា នាយការនាយកដ្ឋានទីផ្សានិងអតិថិជនក្រុមហ៊ុន Manulife បានអោយដឹងថា ក្រុមហ៊ុន Manulife តែងតែផ្តោតសំខាន់ក្នុងការចូលរួមកម្មវិធីមនុស្សធម៍ ជួយដល់កុមារ ជាពិសេសកុមារក្រីក្រខ្វះខាតនេះតែម្តង ដើម្បីបង្កើតស្នាមញញឹម និងក្តីសង្ឃឹមមួយដល់ពួកគាត់ ហើយលោកស្រីនិងក្រុមម្ចាស់ជំនួយទាំងអស់រំពឹងទុកថា ក្មេងៗដែលសិស្សានុសិស្សនេះ និងខិតខំប្រឹងប្រែងរៀនសូត្រ ដើម្បីអនាគតរបស់ខ្លួនទៅថ្ងៃមុខ ។ លោកស្រីបន្តថា កម្មវិធីមនុស្សធម៍នេះនៅតែមានជាបន្តបន្ទាប់ ទៅលើការជួយដល់កុមារខ្វះខាត មិនតែប៉ុណ្ណោះ ក្រុមហ៊ុនធានារ៉ាប់រង Manulife ក៏បានធ្វើការបរិច្ចាថិវការជួយដល់មន្ទីរពេទ្យកុមារអង្គរផងដែរ និងពេលថ្មីៗនេះក៏បានចែកមួកសុវត្តិភាពដល់សិស្សចំនួន ៧ពាន់មួកផងដែរ ។
ជាមួយនិងការខ្វះខាតនេះដែរ លោកនាយកសាលាបឋមសិក្សាព្រៃឃ្មួញលោកគ្រូ ថន បាននិយាយថា បច្ចុប្បន្ននេះសាលាបឋមសិក្សានៅភូមិស្រែឃ្មួញនេះគឺមានសិស្សសិក្សាចំនួន ៤៥នាក់ បង្រៀនត្រឹម ៣ថ្នាក់តែប៉ុណ្ណោះ គឺថ្នាក់ទី១ ដល់ថ្នាក់ទី៣ ដោយមានតែបន្ទប់នៅជាប់វិហាវត្តមួយបន្ទប់សម្រាប់បង្រៀនថ្នាក់ទី៣ ចំណែកសិស្សថ្នាក់ទី ០១ និងទី២ បង្រៀនគួបបញ្ចូលគ្នា ដោយខ្វីរោងដាំបាយរបស់ព្រះសង្ឃនៅក្នុងវត្តបង្រៀនសិស្សជាបណ្តោះអាស្ននសិន ។ ដោយមើលឃើញពីការលំបាករបស់សិស្សក្នុងនាមលោកជានាយកសាលា បានធ្វើការអំពាវនាវដល់មន្ទីរពាក់ព័ន្ធ និងបណ្តារសប្បុរសជន មេត្តាជួយដល់ក្មេងៗដែលជាសិស្សកំពុងសិក្សានៅសាលាបឋមសិក្សានេះផង ព្រោះទីតាំងក្នុងភូមិព្រៃឃ្មួញនេះគឺជាបង្គោលគ្រឹះព្រំដែនមួយដ៏សំខាន់រវាងប្រទេសកម្ពុជា និងប្រទេសវៀតណាម ដែលមានប្រជាពលរដ្ឋមួយភូមិប្រហែលជាជិត ១០០គ្រួសារកំពុងរស់នៅ៕ ដោយ៖ តាកែវ