ភ្នំពេញ៖ ក្រសួងសុខាភិបាលកម្ពុជា ស្នើឲ្យអាជ្ញាធរម៉ាឡេស៊ីពិនិត្យឡើងវិញចំពោះលទ្ធផលធ្វើតេស្ដថារកឃើញវីរុសកូរ៉ូណាថ្មីCovid-19 លើជនជាតិអាមេរិកាំងម្នាក់ ក្រោយពីបានចាកចេញពីនាវាខ្នាតធំ ដែលចូលសំចតនៅកម្ពុជា ហើយធ្វើដំណើរតាមយន្តហោះទៅម៉ាឡេស៊ី។
ហើយម៉ាឡេស៊ី បានធ្វើតេស្ត២លើក ទទួលបានលទ្ធផលវិជ្ជមាន។ក្រោយតែពីពិនិត្យរក់ឃើញទេសចរអាមេរិចកាំងអាយុ៨៣ឆ្នាំម្នាក់ក្នុងចំណោមទេសចរបរទេស១៤៥នាក់ទៅពីកប៉ាល់Westerdamឡើងនៅកម្ពុជាមានកើតជំងឹCovid-19 មក ស្រាប់តែថ្ងៃនេះ ម៉ាឡេស៊ី បិទលែងឲ្យទេសចរបរទេសផ្សេងទៀតឡើងពីកប៉ាល់នោះចូលទៅប្រទេសខ្លួនទាំងស្រុងតែម្តង។ជាមួយគ្នានោះថែមទាំងលុបចោលជើងហោះហើរពិសេសអាមេរិចដែលមកទទួលទេសចរខ្លួនទៀតផង។
នាយករដ្ឋមន្ត្រីម៉ាឡេ លោកមហាធៀរ នរណាៗក៏ដឹងដែរថា គាត់មិនចូលចិត្តអាមេរិច«ម៉ាតាក់ម៉ាតិច»ឡើយ? ករណីខាងលើជាឧទាហរណ៍។
ម៉ាឡេស៊ីអត់ឲ្យទេសចរចេញពីកប៉ាល់នៅកម្ពុជាចូលប្រទេសគាត់ទៀតទេ?
នៅយប់ថ្ងៃទី១៥ ខែកុម្ភៈ ឆ្នាំ២០២០នេះក្រសួងសុខាភិបាលកម្ពុជា បានចេញសេចក្តីប្រកាសផ្លូវការមួយ ស្តីពីករណីអាជ្ញាធរម៉ាឡេស៊ីរកឃើញលើស្ត្រីម្នាក់ ជនជាតិអាមេរិកាំង បានចាកចេញពីនាវា WESTERDAM ដែលបានចូលសំចតនៅកំពង់ផែក្រុងព្រះសីហនុ ប្រទេសកម្ពុជា។
ករណីនេះក្រសួងសុខាភិបាលកម្ពុជា ស្នើសុំឲ្យអាជ្ញាធរម៉ាឡេស៊ី ពិនិត្យឡើងវិញ អំពីលទ្ធផលនៃការធ្វើតេស្តនេះឲ្យមានភាពសុក្រឹតឡើងវិញ។
សេចក្តីប្រកាសរបស់ក្រសួងសុខាភិបាលបានបញ្ជាក់ថា ករណីនេះមុនការចាកចេញរបស់បុគ្គលរូបនេះ ក៏ដូចជាអ្នកទេសចរដទៃទៀតពីនាវាខ្នាតធំ WESTERDAM ក្រសួងសុខាភិបាល បានពិនិត្យយ៉ាងល្អិតល្អន់ និងបានធ្វើការជាមួអង្គការសុខភាពពិភពលោក ព្រមទាំងអង្គការ USCDC របស់អាមេរិក ហើយយើងបានអនុវត្តតាមស្តង់ដាបច្ចេកទេស និងនិយ័តកម្មសុខភាពអន្តរជាតិឆ្នាំ២០០៥ (HR2005) របស់អង្គការសុខភាពពិភពលោក។
ចំពោះករណីដែលបានប្រកាសដោយអាជ្ញាធរម៉ាឡេស៊ី នូវភាពវិជ្ជមាន Covid-19 នៅប្រទេសម៉ាឡេស៊ីខាងលើនេះ ក្រសូងសុខាភិបាលកម្ពុជា ស្នើសុំឲ្យអាជ្ញាធរម៉ាឡេស៊ី ពិនិត្យឡើងវិញ អំពីលទ្ធផលនៃការធ្វើតេស្តនេះឲ្យមានភាពសុក្រឹតឡើងវិញ។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជា នៅថ្ងៃទី១៦ ខែកុម្ភៈ ឆ្នាំ២០២០នេះ បានផ្ញើលិខិតផ្លូវការរបស់ខ្លួនរួចហើយទៅកាន់ លោក Dzulkefly Ahmad រដ្ឋមន្ត្រីក្រសួងសុខាភិបាលម៉ាឡេស៊ី ដើម្បីទាមទារឲ្យអាជ្ញាធរសុខាភិបាលម៉ាឡេស៊ី ត្រួតពិនិត្យឡើងវិញយ៉ាងហ្មត់ចត់ លើករណីស្ត្រីអាមេរិកម្នាក់ ដែលប្រទេសនេះរកឃើញថាមានជំងឺ COVID-19 ក្រោយពីបានចាកចេញពីនាវាខ្នាតយក្ស Westerdam ចូលចតនៅកម្ពុជា។
ការដាក់លិខិតផ្លូវការរបស់លោក ម៉ម ប៊ុនហេង ធ្វើឡើងតាមរយៈក្រសួងការបរទេស និងសហប្រតិបត្តិអន្តរជាតិរបស់កម្ពុជា៕ដោយ៖កូឡាប