ចំនួនអ្នកស្លាប់ដោយសារវីរុសកូរ៉ូណា ឬ COVID-19 បានកើនដល់ចំនួន ១.៧៧៥នាក់ហើយនៅថ្ងៃច័ន្ទនេះ ក្រោយពេលមានអ្នកស្លាប់ថ្មីចំនួន ១០៥នាក់នៅក្នុងប្រទេសចិន។
អ្នកឆ្លងវីរុសមរណៈនេះ បានកើនលើស ៧១.០០០ករណី។ វីរុសដ៏កាចសាហាវនេះបានចាប់ផ្ទុះឡើងដំបូងនៅក្នុងខែធ្នូ នៅខេត្តហូបេ មុនពេលវាបានរាតត្បាតទៅកាន់ប្រទេសជាង ២០ទូទាំងពិភពលោក។
បច្ចុប្បន្នអាជ្ញាធរចិនបានដាក់ប្រជាជនចំនួន ៥៦លាននាក់នៅក្នុងខេត្តហូបេ និងទីក្រុង វូហាន ឲ្យនៅដាច់ដោយឡែកពីគេ ក្នុងគោលបំណងដើម្បីគ្រប់គ្រងការរីករាលដាលរបស់វីរុស។
សូមបញ្ជាក់ថា អ្នកជំនាញពិភពលោកបានធ្វើការជួបប្រជុំគ្នានៅក្នុងប្រទេសចិន ដើម្បីធ្វើការពិភាក្សាគ្នាអំពីវីរុស COVID-19៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia