ភ្នំពេញ៖ យោងតាមព្រះរាជអាជ្ញារងអមសាលាដំបូង រាជធានីភ្នំពេញ កម្លាំងអធិការដ្ឋាននគរបាលបឹងកេងកង បានចុះសហការជាមួយខាងនាយកដ្ឋានប្រឆាំងផលិតផលក្លែងក្លាយ ចុះមកបង្ក្រាបក្រុមហ៊ុន តាំង ហុង ដែលលក់ផលិតផលគ្រឿងក្រអូបក្លែងក្លាយ។
អធិការដ្ឋាននគរបាលខណ្ឌបឹងកេងកង បានឲ្យដឹងថា នៅថ្ងៃទី១៧ ខែ កុម្ភៈ ឆ្នាំ ២០២០ វេលាម៉ោង១១៖និង១០នាទី កម្លាំងអធិការដ្ឋាននគរបាលបឹងកេងកង បានចុះសហការជាមួយខាងនាយកដ្ឋានប្រឆាំងផលិតផលក្លែងក្លាយ ក្រសួងមហាផ្ទៃ នៅទីតាំងផ្ទះលេខ ២១c ផ្លូវលេខ៣១៨ ក្រុម១៧ ភូមិ២ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ (ក្រុមហ៊ុន តាំង ហុង លក់ផលិតផលគ្រឿងក្រអូប) ដោយមាន ការដឹកនាំពីលោក ប្លង់ សុផល ព្រះរាជអាជ្ញារងអមសាលាដំបូង រាជធានីភ្នំពេញ ចាត់ឲ្យលោក គឹម ឆេងប៊ុន ក្រឡាបញ្ចីចូលរួម លោកវេជ្ជបណ្ឌិត នុត សោភ័ណ អ្នកពិគ្រោះបច្ចេកទេស លោកវរសេនីយ៍ទោ ជូ ផល្លីឌីន និង លោកហេង រិទ្ធី អនុប្រធានលេខាធិការដ្ឋាន គ.ប.ផ.ក ។ កម្លាំងនាយកដ្ឋានបានដកហូត ផលិតផលមួយចំនួនយកទៅ ពិនិត្យគុណភាព ៕ដោយ៖កូឡាប