កំពង់ធំំ៖ អាជ្ញាធរមីន បានឲ្យដឹងថា កាលពីថ្ងៃទី១៦ ខែកុម្ភៈ ឆ្នាំ២០២០ វេលាម៉ោង ១ រសៀល មានហេតុការណ៍ផ្ទុះគ្រាប់មិនទាន់ផ្ទុះមួយករណី បានបណ្តាលឱ្យកុមារាម្នាក់រងរបួសដៃស្តាំ នៅពេលដែលកុមាររងគ្រោះ រើសគ្រាប់មកដំលេង នៅចម្ការក្នុងភូមិអណ្តាសចាស់ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ ។
ក្រោយហេតុការណ៍កើតឡើង កុមាររងគ្រោះត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យខេត្តសៀមរាប។
លោកហេង រតនា អគ្គនាយកស៊ីម៉ាក់ បានថ្លែងថា ពិតជាសោកស្តាយចំពោះកុមារាអាយុ១២ឆ្នាំម្នាក់ ធ្លាក់ខ្លួនពិការដៃម្ខាងដោយសារគ្រាប់មីនផ្ទុះ។
លោកអគ្គនាយក សូមអំពាវនាវជាថ្មីទៀត សូមកុំវាយដំគ្រាប់មិនទាន់ផ្ទុះ ឬវត្ថុអ្វីមួយដែលសង្ស័យថា ជាគ្រាប់មិនទាន់ផ្ទុះ៕ដោយ៖កូឡាប