វេជ្ជបណ្ឌិតនៅក្នុងទីក្រុងសៀងហៃ បានប្រើប្រាស់ការបញ្ជូលឈាមរបស់មនុស្សដែលបានជាសះស្បើយពីវីរុសកូរ៉ូណា (COVID-19) ដើម្បីព្យាបាលអ្នកជំងឺដែលកំពុងផ្ទុកវីរុស ហើយមានលទ្ធផលបឋមគួរជាទីសង្ឃឹម។ នេះបើតាមសាស្រ្តាចារ្យចិននិយាយកាលពីថ្ងៃចន្ទម្សិលមិញនេះ។
អ្នកជំនាញសង្រ្គោះបន្ទាន់ជាន់ខ្ពស់ម្នាក់នៅអង្គការសុខភាពពិភពលោក បាននិយាយថា ការប្រើប្រាស់ឈាមរបស់អ្នកដែលទើប នឹងជាសះស្បើយ គឺជាវិធីសាស្រ្តដែលយកជាការបាន ដើម្បីធ្វើតេស្ត ប៉ុន្តែវាពិតជាមានសារសំខាន់ខ្លាំងណាស់ក្នុងការលៃលកពេលវេលាឲ្យបានសមរម្យ ដើម្បបង្កើនការជំំរុញប្រព័ន្ធការពាររបស់អ្នកជំងឺ។
សូមបញ្ជាក់ថា ការប្រើប្រាស់ឈាមរបស់អ្នកទើបជាសះស្បើយ ដើម្បីព្យាបាលលើអ្នកជំងឺគឺធ្លាប់បានបង្ហាញពីប្រសិទ្ធភាព និងការជួយសង្រ្គោះជីវិតប្រឆាំងនឹងជំងឺដូចជា បានបង្ហាញប្រសិទ្ធភាព និងការជួយសង្រ្គោះជិវិត ជំងឺឆ្កែឆ្កួត និងជំងឺរលាកផ្លូវដង្ហើម និងសួត។ នេះជាការបញ្ជាក់របស់លោកវេជ្ជបណ្ឌិត Mike Ryan ប្រធានកម្មវិធីសុខភាពរបស់អង្គការសុខភាពពិភពលោក។
រហូតមកដល់ថ្ងៃអង្គារនេះ តួលេខនៃអ្នកស្លាប់ដោយសារវីរុសកូរ៉ូណា បានកើនឡើងជិតដល់ ១៨.០០០នាក់ និងមានជិត ៧៤.០០០នាក់ឆ្លង ខណៈដែលអ្នកជាសះស្បើយមានលើស ១២.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
