ភ្នំពេញ៖ នារសៀលថ្ងៃអង្គារ ទី១៨ ខែកុម្ភៈ ឆ្នាំ២០២០នេះ រដ្ឋបាលរាជធានីភ្មំពេញ បានបើកកិច្ចប្រជុំស្ដីពីការពង្រឹងគុណភាពសុវត្ថិភាព ការដ្ឋានសំណង់ក្នុងភូមិសាស្ត្ររាជធានីភ្នំពេញ។
លោកឃួង ស្រេង អភិបាលរាជធានីភ្នំពេញ បានថ្លែងថា រាល់ការដ្ឋានសំណង់ទាំងអស់ ក្នុងរាជធានីភ្នំពេញត្រូវធានាឱ្យបានពីគុណភាពសំណង់ សុវត្ថិភាពអ្នកធ្វើដំណើរឆ្លងកាត់ការដ្ឋាន និងកម្មករ កម្មការិនីក្នុងការដ្ឋាន និងត្រូវហ៊ុមព័ទ្ធការដ្ឋានឱ្យបានត្រឹមត្រូវតាមបទដ្ឋានបច្ចេកទេសសំណង់។
លោកអភិបាលរាជធានី បានដាក់បទបញ្ជាដល់ចៅហ្វាយខណ្ឌទាំង១៤ ត្រូវចុះស្រង់ស្ថិតិគ្រប់សំណង់ទាំងអស់ ក្នុងដែនដីរបស់ខ្លួន ដើម្បីឲ្យដឹងថា សំណង់មួយណាមានច្បាប់ និងសំណង់ណាខ្លះអត់ច្បាប់ ដើម្បីចាត់វិធានការតាមច្បាប់៕ដោយ៖កូឡាប
