ចំនួនអ្នកស្លាប់ដោយសារវីរុកូរ៉ូណា ឬ COVID-19នៅក្នុងប្រទេសចិន បានកើនលើសចំនួន ២.០០០នាក់នៅថ្ងៃពុធនេះ ក្រោយពេលមានអ្នកស្លាប់ចំនួន ១៣៦នាក់ទៀត ប៉ុន្តែចំនួនអ្នកឆ្លងបានធ្លាក់ចុះជារៀងរាល់ថ្ងៃ។ នេះបើតាមការបញ្ជាក់របស់គណៈកម្មការសុខភាពជាតិចិន។
ចំនួនអ្នកឆ្លងវីរុសមរណៈខាងលើសរុបនៅក្នុងប្រទេសចិនកើនដល់ចំនួន ៧៤.១៨៥នាក់ ខណៈដែលអ្នកជាសះស្បើយមានលើស ១៤.០០០នាក់។
អ្នកស្លាប់ភាគច្រើនគឺស្ថិតនៅក្នុងខេត្តហូបេ ទីកន្លែងដែលវីរុសដ៏កាចសាហាវបានផ្ទុះកាលពីខែធ្នូ មុនពេលវាបានរីករាលដាលទូទាំងប្រទេសចិន និងទៅកាន់ពិភពលោក។
នៅក្នុងរបាយការណ៍ចេញនៅថ្ងៃពុធនេះ មានអ្នកឆ្លងថ្មីចំនួនតែ ១.៧៤៩នាក់ប៉ុណ្ណោះ ដែលតួលេខនៃការឆ្លងមានការធ្លាក់ចុះជាបន្តបន្ទាប់រៀងរាល់ថ្ងៃ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
