ទីក្រុងហុងកុង នៅថ្ងៃពុធនេះ បានប្រកាសថាមានអ្នកជំងឺម្នាក់ស្លាប់ ដោយសារវីរុសកូរ៉ូណា ឬ COVID-19 ដែលវាគឺជាករណីស្លាប់ទី ២នៅក្នុងទីក្រុង។
អ្នកស្លាប់វ័យ ៧០ឆ្នាំគឺស្ថិតក្នុងចំណោមអ្នកឆ្លងវីរុសកូរ៉ណា ចំនួន ៦២នាក់ស្ថិតនៅក្នុងទីក្រុង។ នេះជាការបញ្ជាក់របស់អ្នកនាំពាក្យមកពីមន្ទីរពេទ្យ Princess Margaret។
សូមបញ្ជាក់ថា កាលពីថ្ងៃទី ៤ ខែកុម្ភៈ មានបុរសវ័យ ៣៩ឆ្នាំម្នាក់បានក្លាយជាមនុស្សដំបូងដែលស្លាប់ដោយសារវីរុស COVID0-19 នៅក្នុងទីក្រុងហុងកុង។
កាលពីខែមករា ជនរងគ្រោះដែលស្លាប់ដំបូងគេនោះ ធ្លាប់បានធ្វើដំណើរទៅកាន់ទីក្រុងវូហាន ដែលជាកន្លែងផ្ទុះរបស់វីរុសមរណៈខាងលើ មុនពេលវាបានរីករាលដាលទូទាំងប្រទេសចិន។
តួលេខចុងក្រោយនៃអ្នកស្លាប់ដោយសារវីរុសកូរ៉ូណា បានកើនលើស ២.០០០នាក់ នៅថ្ងៃពុធនេះ ខណៈអ្នកឆ្លងមានជាង ៧៤.០០០នាក់។ អ្នកជាសះស្បើយមានជាង ១៤.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia