ប្រទេសកូរ៉េខាងជើងកំពុងតែរៀបចំធ្វើការបាញ់សាកល្បងមីស៊ីលផ្លោងរយៈចំងាយឆ្ងាយ ដែលខ្លួនជឿជាក់ថា អាចបាញ់ដល់សមុទ្រខាងលិចរបស់អាមេរិច។ នេះបើតាមការដកស្រង់សម្តីរបស់តំណាងរាស្ត្ររុស្សីម្នាក់ ដែលទើបត្រឡប់មកការទស្សនៈកិច្ចនៅទីក្រុងព្យុងយ៉ាង។
លោក Anton Mrozov សមាជិកគណកម្មាការកិច្ចការបរទេសនៃសភារុស្សី និងតំណាងរាស្ត្រពីរនាក់ផ្សេងទៀត បានធ្វើដំណើរទស្សនៈកិច្ចនៅទីក្រុងព្យុងយ៉ាងចាប់ពីថ្ងៃទី ២ ដល់ទី ៦ ខែតុលានេះ ហើយត្រូវបានដកស្រង់សម្តីដោយភ្នាក់ងារសារព៌តមានរុស្សី RIA។
លោក Anton Mrozov និយាយថា “ពួកគេ (កូរ៉េខាងជើង) កំពុងរៀបចំការបាញ់សាកល្បងមីស៊ីលរយៈចំងាយឆ្ងាយ។ ពួកគេក៍បានប្រាប់ពួកយើងពីការគណនាគណិតវិទ្យា ដែលពួកគេជឿជាក់ថា មីស៊ីលរបស់ពួកគេអាចបាញ់ចំសមុទ្រខាងលិចរបស់អាមេរិច”។
“នៅឆ្ងាយពីអ្វីដែលពួកយើងយល់ ពួកគេប៉ុនប៉ងបាញ់មីស៊ីលរយៈចំងាយឆ្ងាយមួយទៀតក្នុងរយៈពេលដ៍ខ្លីខាងមុខ។ ហើយជាទូទៅ អារម្មណ៍របស់ពួកគេគឺចូលចិត្តរករឿង”។
ភាពតានតឹងកើនឡើងយ៉ាងខ្លាំងក្នុងរយៈពេលប៉ុន្មានសប្តាហ៍នេះ ដោយសារតែកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង នៅពេលទីក្រុងព្យុងយ៉ាងបានបាញ់ធ្វើតេស្តមីស៊ីលជាច្រើនលើក និងធ្វើការសាកល្បងគ្រាប់បែកអ៊ីដ្រូសែន ខណៈដែលរដ្ឋកុម្មុនិស្តមួយនេះកំពុងអភិវឌ្ឍន៍ទៅរកគោលដៅនៃការបំពាក់ក្បាលគ្រាប់នុយក្លេអ៊ែរលើមីស៊ីល ដើម្បីបាញ់ដល់ទឹកដីអាមេរិច៕ សុភ័ក្ត្រ
